Sexta, Abril 16, 2021
Total visitors: 558227

Durante implementasaun serka sanitaria polisia tranzitu Munisipiu Dili prende motor hamutuk 100 tanba kontra regras no koko atu halai sai husi Dili.

Komandante Tranzitu Munisipiu Dili, Domingos Sarmento Gama hateten, motor 100 ne’ebe polisia prende tanba sira tenta halai sai husi Dili no maneria ilegal nune’e mos la iha karta kondusaun.

Komandante Tranzitu Munisipiu Dili, Domingos Sarmento Gama hateten, motor 100 ne’ebe polisia prende tanba sira tenta halai sai husi Dili no maneria ilegal nune’e mos la iha karta kondusaun.

“Motor 100 ne’ebe mak ita prende ne’e maske iha situasaun serka sanitaria maibe ita nafatin aplika multa tanba sira kontra ona regras. Ita konsidera krime,” Komandante Gama dehan.

Nia dehan, motor sira ne’e balun nain mai selu ona multa hodi foti ona no balun seidauk no para hela iha komandu munisipiu Dili.

“Kada motor ne’ebe prende selu multa tuir tabela infrasaun sim la iha selu $45, no tenta halai sai husi Dili selu multa $30 dolar nune’e ita bele evita sira halo movimento subar hodi hadaet corona virus,” nia informa.

Nia dehan, atu evita hadaet Covid-19 ne’e tenke hakmatek iha uma, pior liu lao karta kondusaun no kapasete la iha, kontra sinais tranzitukon.

Entretantu, motorista BM hateten, sente triste tanba iha situasaun lockdown osan la iha depois polisia prende tan motor no tenke selu multa iha banku maibe osan la iha.

“Hau rekonhese hau nia sala tanba kontra ona regras sanitaria hanesan atu halai sai husi Dili ba Ermera maibe lakonsegue,” Motorista BM dehan.

Alende ne’e nia dehan, dadaun ne’e nia husik hela motor iha komandu munisipiu Dili depois de serka sanitaria remata osan iha mak ba foti fali nia motor.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04