Sexta, Abril 16, 2021

Fundasaun Mahein (FM) husu Komandu Jeral Polisia Nasional Timor-Leste (PNTL) tenke loke prosesu kriminal ba membru ida ne’ebe mak alegadamente baku pesoal saneamentu ida iha Tasi Tolu bainhira halo hela niaservisu iha situasaun serka sanitaria.

Diretor Ezekutivu FM, Joao Almedia hateten pesoal sira husi servisu saneamentu ne’e tuir despaixu Ministeriu Admistrasaun Estatal ne’e atu kuntinua halo servisu iha sitausaun serka sanitaria ne’e.

Diretor Ezekutivu FM, Joao Almedia hateten pesoal sira husi servisu saneamentu ne’e tuir despaixu Ministeriu Admistrasaun Estatal ne’e atu kuntinua halo servisu iha sitausaun serka sanitaria ne’e.

“Ita nia pesoal saneamentu sira ne’e tenke halo sira nia servisu, karik sira la halo loron ida ka rua deit Dili laran sai nakonu ho foer, tanba ne’e komandu PNTL tenke halo prosesu kriminal ba membro ne’e,” nia hateten.

Nia dehan, aktu ne’ebe membru PNTL halo ne’e tenke iha investigasaun no loke prosesu disiplinar nune’e mos prosesu kriminal.

“Hahalok ne’ebe membro PNTL halo ne’e krime tanba ne’e ita husu tenke loke prosesu kriminal, atu bele responsabiliza ba aktu ne’ebe nia halo” FM Almedia husu.

Tanba ne’e nia dehan, membro Polisia sira labele aproveita sitausaun serka sanitaria hodi halo asaun brutalismu hodi hanehan komunidade sira.

Entretantu, Portavoz Polisia Nasional Timor-Leste (PNTL) Superientendente Xefe Arnaldo de Araujo hateten, komandu jeral sei halo prosesu ba membru ne’ebe halo atuasaun ba pesoal saneamentu nain rua ne’ebe tuir kamioneta hodi ba soe lixu iha Tibar.

“Dadaun ne’e ita halo ona prosesu investigasaun hodi hare oinsa nune’e bele loke prosesu kriminal ba oknun ne’e rasik, nune’e bele iha responsabiliddade ba hahalok ne’ebe nian halo,” Porta voz Araujo informa.

Nia dehan, membro ne’ebe halo atuasaun ba pesoal saneamentu rua ne’e komandu tenke halo duni prosesu tanba ne’e atitudi ne’ebe mak la diak ba nia povu.

“Hau hodi komandu jeral nia naran hato’o agradese wain ba komunidade tanba sira sempre tau atensaun ba servisu PNTL nian karik sala sira hato’o kedan kexa nune’e bele hadia disiplinar membro polisia iha futuru,” Superientendente Xefe Arnado de Araujo salienta.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04