Sábado, Março 06, 2021
Total visitors: 551764

Organizasaun Internasional Migrasaun (IOM) apoio governo Timor-Leste hodi reforsa serviso migrasaun iha fronteira liu-liu konaba oinsa halo atendimento rejisto online no selu online nune’e hodi fasilita maluk estranjeiro sira bele trata sira nia viza.

Organizasaun Internasional Migrasaun (IOM) apoio governo Timor-Leste hodi reforsa serviso migrasaun iha fronteira liu-liu konaba oinsa halo atendimento rejisto online no selu online nune’e hodi fasilita maluk estranjeiro sira bele trata sira nia viza.

Vise Ministro Ministerio Interior (MI), Antonio Armindo hateten, durante ne’e sistema ne’ebe mak migrasaun utiliza iha fronteira ne’e iha 8 kedan maibe halo serviso migrasaun nia komplikado liu–liu konaba trata viza ligado ho Covid-19 ne’e.

“Tanba ne’e IOM hakarak apoio hodi reforsa serviso migrasaun nian iha fronteira liu-liu konaba sistema atendimento trata visa online no selu online no la presija mai to’o Timor-Leste,” Vise MI Armindo dehan.

Nia dehan, sistema ida ne’e deside husi IOM no hetan apoio reforsa jestaun serviso mos husi parseiro IOM hodi hadia diak liu tan atendimento serviso migrasaun nian.

“Atu haforsa jestaun serviso migrasaun nian ita presija tulun husi parseiro sira hodi implementa sistema ne’ebe integrado no fasil ba pesoal migrasaun sira bele utiliza,” nia dehan.

Alende ne’e nia dehan, ofisial sira ne’ebe mak serviso iha fronteira la’os migrasaun deit maibe Unidade Polisia Maritima (UPM), Unidade Patrulhamento Fronteira (UPF), no Alfandega sira hotu mak sei utiliza sistema ne’e.

Iha fatin hanesan, Xefi Organizasaun Internasional Migrasaun (IOM), Cecilia McIntosh hateten, IOM apoio reforsa jestaun serviso migrasaun liu-liu atu idetifika sistema ida ne’ebe mak mai fasil atu utiliza.

“IOM sei kuntinua serviso nafatin ho ministerio interior oinsa atu kapasita pesoal migrasaun sira atu bele iha kapasidade diak liu tan hodi utiliza sistema online hodi halo atendimento ba prosesu trata viza no selu husi online,” nia dehan.

Nia dehan, sistema online ne’e sistema diak ne’ebe diak tebes ba serviso migrasaun sira atu bele utiliza iha atendimento ba movimento tama sai iha fronteira mai fasil liu no la presija to’o iha edifisio migrasaun.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04