Terça, Março 02, 2021
Total visitors: 550987

Komando Falintil Forsa Defesa Timor-Leste (F-FDTL) halo lansamento ba livro tolu konaba luta FALINTIL nian iha ai-Laran hodi hetan libertasaun ka ukun rasik an iha Timor-Leste.

Xefe Estado Maior Jeral Falintil Forsa Defesa Timor-Leste (F-FDTL) Major Jeneral Lere Anan Timur hateten, livro tolu ne’e ho nia tituto Haklehat, Hahihak no Rasiskak no livro refere hakerek bazeia ba luta hahu husi 1976-1978.

Xefe Estado Maior Jeral Falintil Forsa Defesa Timor-Leste (F-FDTL) Major Jeneral Lere Anan Timur hateten, livro tolu ne’e ho nia tituto Haklehat, Hahihak no Rasiskak no livro refere hakerek bazeia ba luta hahu husi 1976-1978.

“Livro ne’e hakerek no sai hanesan matan dalan ba jerasaun foun sira atu bele le’e no aprende nune’e labele inventa historia FALINTIL nian,” Jeneral Lere dehan.

Nia dehan, prosesu hakerek livro ne’e durante tinan 9 nia laran tanba eskritor sira tenke halo peskija haleu Timor-Leste hodi buka sasin sira ne’ebe mak sei moris nune’e hakerek livro ne’e bazeia ba faktos no akontesimento.

“Livro ne’e konsegue finaliza ona no iha loron aniversario transformasaun FALINTIL ba Forsa Defesa Timor-Leste ohin ita halo ona lansamento ba livro tolu ne’e hosi sai matan dalan ba jerasaun foun sira hodi konta historia luta FALINTIL,” Xefe Estado Maior F-FDTL Lere dehan.

Alende ne’e nia dehan, livro sire ne’e hakerek husi historia moruk aat balun ne’ebe mak komandante no soldado FALINTIL sira hasoru, tanba ne’e bele hakanek balun sira nia sensibilidade no fuan maibe ne’e pasensia tanba historia presija konta liu husi livro sira atu nune’e labele lakon.

Tanba ne’e, nia agradese ba ekipa ne’ebe ho vontade diak hodi halo peskija foti dados hodi hakerek livro tolu refere.

Iha fatin hanesan, Prezidente Eskritor Livro Kapitaun Oracio dos Santos hateten, livro ne’e hakerek konaba historia sira ne’ebe hahu akontese durante luta FALINTIL nian to’o prosesu transformasaun ba F-FDTL iha Aileu iha tinan 2001.

Nia dehan, livro ne’e hakerek sei falta buat barak tanba ne’e ema ne’ebe mak lee livro ne’e no konhese diak historia nia bele korije no hato’o sujestaun ba ekipa hodi hakerek diak liu tan.

“Livro ne’e foin primeira ves ita hakerek hodi buka hatene klean FALINTIL nia historia hodi bele tulun leitor sira bele hatene relasaun historia FALINTIL no F-FDTL,” nia salienta.

Nia dehan, livro tolu refere hakerek konaba biografia Komandante Taur Matan Ruak, Jeneral Lere Anan Timur nia mandato iha prosesu kriasaun FALINTIL to’o transforma ba F-FDTL iha tinan 2001 iha Aileu.

Enkuanto nia dehan, livro ne’e hakerek husi Prezidente Autoridade Munisipio Lautem Domingos Savio.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04