Sexta, Março 29, 2024
Total visitors: 766366

Asidente trafiku ne’ebe akontese iha Timor-Leste laran iha semana ikus fulan Janeiro nian ema nian 38 mak kanek todan.

Porta-Voz Polisia Nasional Timor-Leste (PNTL) Arnaldo hateten, hahu husi dia 24 to’o dia 31 Janeiro asidente ne’ebe akontese hamutuk 47 husi ne’e kanek todan hamutuk 38, kaman 15, mate la iha.

Porta-Voz Polisia Nasional Timor-Leste (PNTL) Arnaldo hateten, hahu husi dia 24 to’o dia 31 Janeiro asidente ne’ebe akontese hamutuk 47 husi ne’e kanek todan hamutuk 38, kaman 15, mate la iha.

“Nain 38 ne’ebe kanek todan ne’e tanba balun ain tohar, liman, nune’e mos balun iha ulun fatuk maibe la rezulta mate, no vitima hirak ne’e oras ne’e dadaun halo hela tratamento iha hospital,” nia hateten.

Nia dehan, motivo husi asidente sira ne’e tanba lanu mak kondus kareta ho motor iha dalan publiku nune’e halai la kontrola velosidade no kondisaun kareta ka motor.

“Aspekto sira ne’e mak kontribui tebes ba asidente trafiku dala ruma halakon ema nia vida,” Porta-Voz Superientendente Araujo dehan.

Tanba ne’e husu ba motorista sira bainhira halo movimento tenke kontrola kondisaun kareta, velosidade tenke normal 40 atu nune’e labele mosu asidete.

Iha parte seluk, kondutor Tais Itan Carlos Maderia, hateten asidente sira ne’ebe akontese ne’e situasaun ne’ebe mak labele espera kareta nia kondisaun atu diak hela mos kuando dezastre ne’e sempre akontese.

“Dezastre ne’e ita labele halai ses tanba la iha kondutor ida mak atu lori kareta ka motor ne’e ba soke, maibe bainhira halo movimento presija konsiensia ema nian movimento ho kalma,” kondutor Madeira dehan.

Tanba ne’e nia dehan, halo movimento no ho kalma kleur ka lalais sei to’o iha fatin tanba ne’e labele ansi hodi monu ba dezastre no ema barak mak sai vitima.