Sábado, Março 06, 2021
Total visitors: 551764

Serviso Migrasaun (SM) aplika multa hahu husi $30 to’o $200 ba sidadaun sira ne’ebe mak halo movimento ilegal iha fronteira liu-liu durante estado emergensia (EE) nian.

Diretor Jeral SM, Superientendente Asistente Luis Bareto hateten, bazeia ba dekreto lei EE no liga ba lei migrasuan nian numero 11/2017 nian, ema ruma bainhira tama Timor-Leste tuir dalan ilegal tenke selu multa.

Diretor Jeral SM, Superientendente Asistente Luis Bareto hateten, bazeia ba dekreto lei EE no liga ba lei migrasuan nian numero 11/2017 nian, ema ruma bainhira tama Timor-Leste tuir dalan ilegal tenke selu multa.

“Movimento ilegal tanto sidadaun nasional ka estrangeiro ita aplika multa hahu husi $30 to’o $200 ne’e obrigatorio tenke seluk,” DG SM Bareto dehan.

Maibe nia dehan, husi movimento ilegal sira ne’e maioria selu deit $30 no minoria mak selu $200.

“Movimento ilegal sira ne’e akontese iha ita nia fronteira sira hanesan Batugade, Salele, Sakato no mos fronteira ilegal sira seluk,” Superientendente Asistente Bareto salienta.

Alende ne’e nia dehan, dadaun ne’e SM kopera ho Unidade Patrulhamento Fronteira (UPF) no Polisia Militar (PM) atu nafatin mantein kontrolu movimento ilegal iha fronteira.

Entretanto, Diretor Ezekutivo Fundasaun Mahein (FM) Joao Almeida hateten, movimento ilegal sempre akontese iha fronteira tanba lei ne’ebe hodi regula movimento ilegal ne’e fraku.

“Liu-liu movimento ilegal ne’ebe fasilita husi seguransa sira ne’ebe mak destaka iha fronteira ne’e prosesu mos la iha, multa mos la iha, ne’e livre,” nia dehan.

Tanba ne’e husu seguransa sira ne’ebe mak destaka iha fronteira hala’o knar tuir lei no ordem haruka, selu multa karik aplika ba ema hotu no la bele hamosu diskriminasaun.

“Sidadaun ne’ebe mak komete iha movimento ilegal aplika multa ne’e diak liu nune’e bele kuntribui reseitas ba estado,” nia salienta.

Tanba ne’e nia dehan, dadaun ne’e fronteira taka mos, ema sira ne’e nafatin buka dalan ilegal nune’e bele hakat mai teritorio nasional, tanba ne’e ekipa ne’ebe destaka iha fronteira hanesan migrasaun, UPF, saude tenke esforsu hodi garante katak ema hotu ne’ebe tama mai hela iha kuarentina.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04