Quarta, Janeiro 27, 2021
Total visitors: 544951

Unidade Patrolimento Fronteira (UPF) durante tinan foun kaptura sidadaun nain tolu ne’ebe mak tenta tama ilegal liu husi fronteira terestre iha area Covalima nian no kontra regras estado emergensia ba dala IX.

Portavoz Polisia Nasional Timor-Leste (PNTL) Superientendente Xefe Arnaldo de Araujo hateten, sidadaun nain tolu ne’ebe mak ekipa konjuta kaptura ne’e tanba sira halo movimento ilegal.

Portavoz Polisia Nasional Timor-Leste (PNTL) Superientendente Xefe Arnaldo de Araujo hateten, sidadaun nain tolu ne’ebe mak ekipa konjuta komposto husi Unidade Patrolimento Fronteira (UPF) Polisia Militar (PM) Unidade Epesial Polisia (UEP) kaptura ne’e tanba sira halo movimento ilegal, la iha dokumento legal balun no kontra regras estado emergensia ne’ebe mak prezidente dekreta iha dia 3 de janeiro hodi halo prevensaun ba Covid-19.

“Sidadaun nain tolu ne’ebe mak UPF kaptura ne’e, sidadaun nasional maibe halo negosio iha Indonesia no fila mai liu husi dalan ilegal,” Portavos Araujo dehan.

Nia dehan, sidadaun hira ne’e depois de kaptura submete kedan ba karentena hodi kumpri 14 dias depoi selu multa $30.

“Depois sira kumpri karentena 14 dias ita sei prosesu sira tui lei tanba sira kontra regras estado emergensia iha ne’ebe mak dekreta ona,” nia dehan.

Entretanto Komandante Polisia Munisipio Covalima Antonio de Sá hateten Komandante Polisia Munisipio Covalima, Superientendente Antonio de Sá hateten, hahu husi dia 1 de janeiro mai to’o ohin loron polisia komando munisipio hetan apoio husi ekipa konjuta no konsege kaptura ona sidadan nain tolu iha fronteira Fatumea Covalima nian.

“Liga ba EE dala IX ita sei serviso hamutuk ho ekipa konjuta hodi asegura metin fronteira sira nune’e halo prevensaun ba corona virus ne’ebe mak akontese iha Timor ba segundo ronde nian,” nia dehan.

Tanba ne’e nia dehan, movimento ilegal ne’e prigojo tebes ba transmisaun ka hadaet moras Covid-19 ne’e tanba ne’e Komando Polisia sei apoio Unidade Patrulhamento Fronteira (UPF) Polisia Militar (PM) no Unidade Espesial Polisia (UPE) hodi asegura fronteira.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04