Quarta, Janeiro 27, 2021
Total visitors: 544951

Durante tinan 2020 Komando Polisia Nasional Timor-Leste (PNTL) halo ona demisaun ba membro nain 8 tanba kontra regulamento lei disiplinar PNTL nian.

Komandante Jeral Polisia Nasional Timor-Leste (PNTL), Komisariu Polisia Faustino da Costa hateten membru polisia nain (8) komando demite no fila ona ba vida sivil tanba kontra lei disiplinar PNTL hodi falitita movimento ilegal iha fronteira hodi abandona serviso.

Komandante Jeral Polisia Nasional Timor-Leste (PNTL), Komisariu Polisia Faustino da Costa hateten membru polisia nain (8) komando demite no fila ona ba vida sivil tanba kontra lei disiplinar PNTL hodi falitita movimento ilegal iha fronteira hodi abandona serviso.

“Iha tinan 2020 ne’e total membro ne’ebe komando demite hamutuk nain 8 no seluk sei iha prosesu nia laran, karik rejultado ba demisaun ita tenke hasai,” nia informa.

Nia afirma, dadaun ne’e iha membru polisia nain 20 iha hela prosesu investigasaun, no membru hirak ne’e balun envolve iha grupu arte marsiais, balun abandona servisu.

“Membro nain 20 ne’e ita sei hein nia rezultado investigasaun oinsa hasai ka kuntinua serviso ne’e depende ba rezultado investigasaun,” Komisario Costa dehan.

Iha fatin hanesan, Vise Ministro Interior (MI) identifika no haruka ona lista membru PNTL na’in-20 ne’ebe involve iha fasilita movimento ilegal ba grupu arte-marsiais Persaudaraan Setia Hati Terate (PSHT) iha fronteira.

“Lista ne’ebe mak ita oferese ne’e hasai ona nain lima (5) no falta nain 15 mak sei iha investigasaun hamutuk no membro nain 5 seluk ne’ebe mak durante ne’e abandona serviso mak hamutuk 20 ne’e,” nia hateten.

Nia afirma, lista ne’ebe manda ona ba Komandu PNTL hamutuk ema na’in-20 maioria husi membru Unidade Patrulhamento Fronteira (UPF), balun polisia bain-bain no balun iha servisu migrasaun.

“Dadaun ne’e sei iha prosesu investigasaun nia laran, kuandu remata ona mak foin hatene se mak sala no se mak lae,” vise MI Armindo dehan.

Alende ne’e nia dehan, membro polisia ne’ebe mak involve iha grupo arte marsiais labele hala’o knar iha instituisaun seguransa tanba sira bele halo fali interese privado iha serviso nia laran.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04