Quarta, Janeiro 27, 2021
Total visitors: 544951

Iha fulan Novembro nia laran Unidade Tranzito Munisipio Dili rekolha reseitas hamutuk $23,000 hodi apoio ba kofre estado nian.

Segundo Komandante Polisia Munisipio Dili, Superientendente Euclides Belo hateten, reseitas ne’ebe mak tranzito rekolha ne’e liu husi operasaun hodi kontrola movimento rodoviaria hodi implementa lei no ordem ne’ebe mak tranzito halo iha dalan publiku sira.

Segundo Komandante Polisia Munisipio Dili, Superientendente Euclides Belo hateten, reseitas ne’ebe mak tranzito rekolha ne’e liu husi operasaun hodi kontrola movimento rodoviaria hodi implementa lei no ordem ne’ebe mak tranzito halo iha dalan publiku sira.

“Iha fulan Novembro ne’e ita nia Unidade Tranzito liu husi serviso operasional ne’ebe mak sira hala’o konsege rekoilha reseitas hamutuk $23,000 hodi apoio ba kofre estado,” Superientendente Belo informa.

Nia dehan, reseitas hirak ne’e rekolha husi motorista sira ne’ebe mak komete infrasaun hanesan kontra sinais tranzito, ordem autoridade, transporte la monta asesoris.

“Kareta ka motor ne’ebe mak halo movimento tenke kompleta ho asesoris hanesan, espelho karuk no loos, lampu, inkliu xapa matrikula, bainhira la iha ita halo prensaun no tenke selu multa,” nia informa.

Alende ne’e nia dehan, motor sira ne’ebe uza kanu resin mos polisia la autoriza tanba ne’e halo barulho ida Dili laran no interompe komunidade sira nia deskansa bainhira tama iha bairo laran.

Iha parte seluk, motorista Januario Assunçao hateten, motorista hotu ne’ebe mak halo movimento iha dalan publiku tenke hakruk ba lei no ordem ne’ebe mak implementa hodi regula movimento hotu, karik la kumpri tenke simu sansaun.

“Ita halo movimento ho seguru iha dalan publiku ita tenke kompleta dokumento sira hanesan sim, surat surat sira, xapa matrikula, no tenke kompleta lampu kareta no motor nian nune’e mos tenke respeita sinais iha dalan publiku,” nia dehan.

Nia dehan, durante nia halo knar hanesan kondutor nia, seidauk hetan multa husi polisia tanba bainhira halo movimento sempre respeita sinais ne’ebe mak iha dalan publiku.

“Ita halo movimento ida estrada publiku ne’e labele hatudu ita nia arogansia maibe, realidade katak maioria kondutor sira hatudo arogansia no la iha konsiensia,” nia dehan.

Tanba ne’e bainhira hatudu arogansia iha dalan publiku hodi la respeita sinais sira no la kompleta dokumento sira mak ikus mai tenke simu konsekuensia hodi ba seluk multa, tanba ne’e husu ba kolega motorista sira bainhira halo movimento presija konsiensia.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04