Quarta, Outubro 28, 2020
Total visitors: 530672

Polisia Serviso Investigasaun Kriminal (PSIK), PNTL, kaptura ona ema nain 4 iha Suku Aiteas Manatuto tanba realiza aktividade jogu ilegal lotaria.

Polisia Serviso Investigasaun Kriminal (PSIK), PNTL, kaptura ona ema nain 4 iha Suku Aiteas Manatuto tanba realiza aktividade jogu ilegal lotaria.

Xefe Investigasaun PISK, Jose Maria hateten, jogo lotaria ne’ebe mak realiza iha Manatuto ne’e ilegal tanba la ida dokumento legal ruma, tanba ne’e PISK liu husi serviso informasaun halo identifika, ikus mai konsege halo ona prensaun no kaptura autor sira.

“Ita kaptura nain 4 no ita halo prensaun ba dokumento hanesan bilhete notariado ilegal, nune’e mos dokumento balun inkliu osan hodi transporta mai Dili,” Xefe Investigasaun Maria hateten.

Nia dehan, autor no evidensia sira aprezenta ona ba ministerio publiku hodi kuntinua halo prosesu tanba sira mak nain ba prosesu tomak.

“Ita halo prensaun no kaptura autor sira ne’e tanba ita konsidera ilegal no la iha dokumento legal ruma, ne’e krime,” nia hateten.

Tanba ne’e nia dehan, ba komunidade se deit mak hakarak realiza aktividade jogo saida deit tenke rejisto nune’e bele halo aktividade tuir lei haruka.

Entretanto, Agosto da Costa hateten jogu lotaria ne’e loke besik fulan tolu ona, ema barak mos asesu ba jogu ne’e.

“Ita asesu ba iha lotaria ne’e maibe ita lahatene katak legal ka lae ami la hatene derepente deit polisia mai ami hotu hakfodak,” nia hateten.

Nia dehan, durante jogu lotaria ne’e iha, fasilita tebes ema hodi buka osan ho sustena sira nia familia maske, hatene katak iha mos impakto.

“Durante ne’e mos ita jogu refere ita seidauk hare problema ruma ne’ebe mak akontese ne’e la iha” nia hateten.

Nia dehan, ba futuru governo tenke kria kondisaun hodi tau jogu sira ne’ebe mak eziste iha Timor nune’e mos tenke tau ema ruma hodi kontrola, atu nune’e bele fasilita ema sira ne’ebe mak asesu ba jogu sira ne’e rasik.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04