Segunda, Outubro 26, 2020
Total visitors: 530117

Polisia Nasional Timor-Leste (PNTL), liu husi Unidade Tranzito Komandu Munisipiu Dili, prende ona transporte publiku inklui mikrolet no taxi hamutuk 46 ne’ebe halo movimento iha Dili laran tanba la obedese regras kodigo estrada lei numero 6/2003, inklui mos kondutor sira la uza farda.

Komandante Polisia Tranzito Rodaviario Munisipio Dili, Inspektor Xefi Domingos Sarmento Gama hateten, prensaun ba transporte publiku ne’e liu husi aktividade operasaun espesifiku ida hodi kontrola dokumento hanesan karta kondusaun no dokumento transporte nian.

Komandante Polisia Tranzito Rodaviario Munisipio Dili, Inspektor Xefi Domingos Sarmento Gama hateten, prensaun ba transporte publiku ne’e liu husi aktividade operasaun espesifiku ida hodi kontrola dokumento hanesan karta kondusaun no dokumento transporte nian.

“Husi operasuan ceck point ne’e ami prende transporte publiku hamutuk 46 komposto husi taxi hat nulu resi rua (42) no mikrolet hat (4) tanba dokumento la kompleto, inkliu farda,” Inspektor Xefi Sarmento hateten.

Nia dehan, kareta sira ne’e la obedese ba regras no lei kodigo estrada numero 6/2003 nian tanba maioria la iha dokumento, balun karta kondusaun la iha ne’e konsidera krime no tenke selu multa.

“Kuando ita prende ona signifika tenke selu multa tuir bilheti infrasaun ne’ebe ita sei atribui ba infrator sira,” nia dehan.

Tanba ne’e husu ba motorista sira tenke kompleta dokumentus kareta no motor, inklui karta kondusaun nune’e halo viajen iha estrada publiku livre no la iha impedimento.

“Operasaun ba transporte iha Dili laran ita sei kuntinua nafatin. Ita sei kompleta mos ba bus sira ne’ebe mak mai husi Munisipio seluk atu nune’e bele obedese ba lei kodigo estrada nain,” Inspektor Xefi Sarmento salienta.
Maibe nia dehan, daudaun ne’e motorist sira iha kapital Dili kuaze iha ona konsiensia hodi trata sira nian dokumentus kareta no motor nian iha Diresaun Nasional Transporte Terestre.

Iha fatin hanesan, motorista taxi, Joao Pinto dos Santos hateten, lamenta ho presaun ne’ebe mak polisia halo, liu-liu konaba farda tanba farda ne’ebe sira uza ne’e ida deit labele uza to’o semana tomak.

“Ami iha farda ida ami labele uza to’o semana ida tomak, ami persija fase hodi kuidado ami nia saude,” Motorista Pinto dehan.

Nia dehan, osan ne’ebe mak sira hetan kada loron ne’e lasufisiente atu bele sosa tan farda ka kona tilan hanesan ne’e tenke selu banko.

“Prende ami nian taxi para hanesan ne’e, depois ejize ami ba selu $80 dolar no $100 dolar, ami lori saida mak buka osan atu bele selu,” nia hateten.

Enkuanto nia dehan, polisia halo prensaun ba nia kareta tanba la uza farda nune’e mos la iha dokumento balun tanba mate ona no sira la iha osan atu halo dokumento foun.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04