- Publika iha: 31 Janeiro 2012
Durante tinan tolu nia laran ema vulneravel sira ne’ebe hela iha uma lima ne’ebe Governo halo iha Distritu Baucau ,Subdistritu Baucau , Suku Gari –uai , Aldeia Fatumaca Uai -Behe –Ana la asesu ba eletrisidade e sunu deit lilin bainhira kalan tanba status uma ne’e seidauk los.
“uma ne’ebe Governo halo ba ami ne’e diak ona maibe ami sente la dun kontente tanba kalan ami sunu deit lilin no lampu desde 2009 to’o agora ami kontinua sunu lilin,” hateten okupante uma vulneravel Silvania de Sousa, semana kotuk (16/01 )iha nia hela fatin Fatumaca Uai –Behe Ana,Baucau.
Alende ahi sira nia sei infrenta krisi bee moos tanba uma neebe sira halo la ko bee moss.
De Souza hatutan, kona ba estatus uma,ne’e responsavel husi Governo tanba sira mak deside atu fo ba ema veteranus ka vulneravel.
“Ami sente la kontente tanba deit status uma ne’e la los EDTL sira mos la kohi atu mai dada ahi ba ami kalan ami ne’ebe oan nurak tenki sunu deit lilin mak hodi troka labarik nia foer,”nia lamenta.
Hatan ba preokupasaun ne’e Xefe Departementu EDTL Sentral Baucau, Paulino A da Costa katak projeitu ne’e husi Governo anterior e sira halo ba veteranus sira maibe agora fo fali ferik-katuas sira mak hela.
Tuir nia, staf EDTL sira ba iha ne’eba atu hatama ahi (monta kontador )maibe ema laiha EDTL mos hakarak atu tau ahi maibe uma xavi metin no sira fali fali deit.