Quarta, Fevereiro 19, 2025

(HNGV) oferese oportunidade ba Parteira no Medikus Geral husi 13 distritus no parteira husi organizasaun non governmental sira ne’ebe servisu mos iha area maternidade atu hasae kunhesimentu no kapasidade sira nian iha prosedura atendementu emerjensia ka ho komplikadu liu husi treinamentu ho tema “Emergencia No Obstetric Care”. Atu garante servisu atendimentu Parteira no Mediku Geral sira ba inan partus ho komplikadu ne’ebe presiza atendimentu emergensia ho diak, Hospital Nasional Guido Valadares (HNGV) oferese oportunidade ba Parteira no Medikus Geral husi 13 distritus no parteira husi organizasaun non governmental sira ne’ebe servisu mos iha area maternidade atu hasae kunhesimentu no kapasidade sira nian iha prosedura atendementu emerjensia ka ho komplikadu liu husi treinamentu ho tema “Emergencia No Obstetric Care”.


“Treinamentu ne’e hanesan ami halo kontinuasaun ba treinamentu ne’ebe realiza ona iha tinan 2005, tanba iha grupo barak ne’eduni seidauk hotu entau ami halo kontinuasaun. Terinamentu ne’e halao durante semana rua resin teoria loron 10, halao pratika iha HNGV loron lima hafoin pratika sira fila ba sira nia servisu fatin atu implementa saida mak sira aprende husi trinamentu ne’e. No treinadora sira sei ba halo monitorizasaun ba implementasaun ne’ebe sira halo katak parteira ne’ebe mak atende diak bainhira inan partus ho komplikadu hanesan partus bebe nia kidun mak uluk, ain no sira ne’ebe ho sofre tensaun,” dehan Doutora Amita Pradman Tmapa, nudar treinadora, semana kotuk (16/12) iha HNGV, Bidau Toko Baru, Dili.


Nia hatutan katak iha tinan ida sira fo treinamentu ba groupo walu no kada grupo ema nain sanulu no sanulu resin. Partisipantes sira sei hetan sertifikadu ba treinamentu ne’e bainhira halao monitorizasaun ona.
Iha parte seluk Administrador HNGV, Rui Expostu, hateten katak “treinamentu ne’ebe ho naran Emerjensia Obstetric Care (EMOC) ne’e inportante tebes ba parteira no mediku geral sira.
“Treinamentu ne’e fo ba parteira no mediku geral iha 13 distritus sira ne’ebe fo atendementu direitamente ba iha pasiente iha sala maternidade,” dehan Administrador Espostu.