Quarta, Fevereiro 19, 2025

Maske rezultadu fulan tolu liu ba nian seidauk bele fo sai, maibe husi fulan tolu ikus hatudu katak moras ne’ebe rejistu aas liu iha ospital referal Baucau mak moras Bronchitis ne’ebe hamutuk liu 139 pasientes mak rejistu.Maske rezultadu fulan tolu liu ba nian, Outubro to’o Dezembru 2011, seidauk bele fo’o, hosi fulan tolu ikus Julhu to Setembru 2011, hatudu katak moras ne’ebe rejistu aas liu Hospital Referal Baucau mak more bronchitis ne’ebe hamutuk liu kazus pasientes 139 mak rejistu.


“Husi mudansa klimatika ne’e agora dadauk, ita hare dalan barak mak aat. Hau hanoin mudansa klimatika ida ne’e bele fo impactun ne’ebe la diak ba populasaun sira nia saude,” hateten Director Hospital Referal Baucau, Lilenio Da Costa Alves, foin lalais iha nia knar fatin Hospital Referal Baucau.
Tuir Director Alves katak mudansa klimatika ne’ebe agora hare iha mudansa oin-oin, dala ruma iha loron, dala ruma iha udan, dala ruma ema lao iha dalan ne’ebe rai rahun suar maka’as bele tama hotu ba iha inus laran ida ne’e bele fo duni impatu ne’ebe ladiak duni ba ema nia saude.

 


Tuir Director ne’e moras ne’e laos kona deit ba labarik sira maibe moras ida ne’e mos kona hotu ema bo’ot sira.
“Atu prevene moras ne’e tenki mai konsulta, hijiene mos diak, han mos diak, liu liu hygiene ba ita nia a’an. Sanitasun ba be mos, ne’e no mos seluk tan ne’ebe halo ita labele kona moras ne’e,” hateten tan Director Alves.

 


Director ne’e haktuir mos katak moras sira seluk ne’ebe mak iha hospital ne’e mak Dermatitis (mora kulit), Gastritis (moras estomago), ISPA (Infeksaun Respiratoriu), Infeksaun Urinaria, Tubercolose balun identifika ona no balun sei suspeito hela, no issin mora

s. Moras seluk rezulta hosi asidente trafiko nahesan motor soke malu ka kareta soke motor ka kareta ho kareta soke malu, ka kareta soke ema.     
Entertantu Enfermeira Cidalia Freitas hateten katak moras ne’e akontese tamba dala ruma sira hetan moras ne’e la ba konsulta lalais e moras ne’e bele sai kroniku.
“Atu moras ne’e labele kona tenki ba konsulta hodi hetan tratamentu bainhira kuando hetan moras ne’e labele hein moras ne’e kroniku tiha mak mai konsulta,” hateten Enfermeira Freitas.