- Publika iha: 01 Novembro 2011
Moras ran mutin afekta feto barak iha Timor-Leste maske feto barak mak moe atu fo sai kona ba sira nia doutor kona ba problema ida ne’e.
Tuir fontes konfirmado ne’ebe lakohi publika sai nia identidade katak ema barak dehan moras ran mutin barak liu no katar ne’e moras baibain maibe moras ne’e bele hanesan sinal moras ne’ebe ita rasik la espera no bele ameasa ita nia saude.
“Ba kolega feto sira ne’ebe hetan moras ida ne’e [ran mutin, katar] karik la bele moe atu ba konsulta iha Sentru Saude sira ne’ebe besik tanba moras ne’e laos moras baibain” dehan fontes konfirmado, iha semana kotuk (12/10), iha Bairo Formosa, Dili.
Tuir Xefe Centro Saude Formosa (CSF), Jaime Dos Reis Belo, iha sentru saude ne’e doutores simu pasientes feto barak ne’ebe mak konsulta kona ba problem ran mutin no kata.
“Hau hanoin biasa mai konsulta sira [feto] sempre mengeluh katak moras baibain ne’e hanesan ulun moras, isin manas, malirin, bedoko, mear iha mos balun dehan ran mutin no katar mai konsulta iha centru saude Formosa,” hateten Xefe (CSF), Jaime Dos Reis.
Xefe Belo hatutan katak prosesu tratamentu ne’ebe CSF iha atu atende feto sira ne’ebe hetan moras ran mutin barak liu no katar ne’e dotour sira sempre fo aimoruk antibiotic ne’ebe mak halai liu ba ran mutin. Kuando iha CSF la bele ona halo tratamentu entau sei haruka ba iha Hospital Nasional Guido Valadares (HNGV) atu bele tes ran no liu husi tes ran ne’e mak bele hatene klaru moras saida mak sira hetan.
Kada loron ida CSF transfere ema nain ida ka rua ba iha HNGV atu halo tratamentu iha ospital bo’ot signifika katak labele konsulta iha Centru Saude ou grave liu ona no sira ne’ebe presiza atu leno ka hasai raisis husi doutor sira ne’ebe espesialista moras laran.