Quinta, Dezembro 08, 2022
Total visitors: 692025

Diretór Jerál Servisu Korporativu, iha Ministériu Saúde (MS), Marcelo Amaral hateten tinan 20 independénsia 2002-2022, Timor-Leste foin iha médiku espesialista nasionál na’in 74 iha área espesialidade oioin.

Diretór Jerál Servisu Korporativu, iha Ministériu Saúde (MS), Marcelo Amaral hateten tinan 20 independénsia 2002-2022, Timor-Leste foin iha médiku espesialista nasionál na’in 74 iha área espesialidade oioin.

Nia rekoñese númeru refere sei ki’ik tebes atu kobre fasilidade saúde hotu, tanba ne’e, governu tenke halo kontratu tan médiku espesialista balun husi rai seluk no apoia mós husi brigada Cuba hamutuk na’in 160 no brigada China sira.

“Ita-nia espesialista sira ne’e barak mak konsentra iha Díli, agora dadaun ita foin koloka sira iha hospital Maliana, hospital Suai, hospital Baucau,” nia hateten iha servisu fatin Kaikoli, Díli.

DG Amaral hatutan médiku kardiolojista iha ona na’in 7 no onkolojista na’in 2, maibé atu halo intervensaun sira hanesan operasaun ba fuan, operasaun ba kankru tenke sub-espesialidade, tanba ne’e, presiza tan kapasitasaun.

Iha parte seluk, Membru Parlamentu Nasional, Deputadu Duarte Nunes sente triste tanba tinan barak ona seidauk konsegue kria kondisaun atu halo tratamentu ba ema moras sira iha rai laran.

“Iha tinan 2019, Parlamentu Nasional aloka ona orsamentu atu sosa ekipamentu médiku ba kardíaku nian no estabelesimentu sentru kardíaku, nune ita presiza haree atu dudu no kria kondisaun iha ita-nia rai no ita-nia nasaun atu halo tratamentu iha ne’e,” nia hateten.

Nia espera tinan 2023, governu aloka tan orsamentu atu dudu kriasaun sentru ICU ba kardíaku nian hodi bele halo intervensaun sira iha rai laran.