Quarta, Janeiro 19, 2022
Total visitors: 600398

Diretur Klinika Bairo Pité (KBP), Inácio dos Santos, informa pasiente sira ne’ebe hatudu sintoma dengue sira transfere hotu ba iha Hospital Nasional Guido Valdares (HNGV) tanba sira laiha ekipamentu teste dengue no reajente atu halo teste ran kompletu ou teste Complete Blood Count (CBC) hodi konfirma estatus pasiente sira nian.

Diretur Klinika Bairo Pité (KBP), Inácio dos Santos, informa pasiente sira ne’ebe hatudu sintoma dengue sira transfere hotu ba iha Hospital Nasional Guido Valdares (HNGV).

Nia dehan, sira halo ona pedidu ba iha servisu saúde munisipiu Dili, maibe informasaun sira mos laiha stok atu bele suporta servisu diagnostika iha klinika tanba ne’e pasiente hotu tenke refere ba hospital nasional no centru saúde komunitaria Comoro atu halo teste ba dengue.

“Dificuldade mak tempu udan ita laiha teste ba dengue, hodiseik hau hetan relata husi laboratoriu sira halo pedidu dengue test kit ba servisu saúde Dili laiha. Ita laiha teste CBC no test kit ba dengue, entau mediku sira diagnosa liu husi sintomas dengue deit tanba ita laiha ekipamentu laboratoriu apropriadu hodi halo diagnostika, ne’e mak dificuldade bo’ot ita hasoru,” nia hateten iha servisu fatin Bairo Pite, Dili.

Nia hateten iha pasiente balun ne’ebe sira haruka ba sentru saúde komunitaria Comoro atu halo teste CBC no dengue, maibe tenke hein to’o loron tolu to’o hat tanba volume teste kada loron barak kuaze 100 resin.

Nia hatutan sira halo ona kompras ba ekipamentu diagnostika CBC no dengue nian husi nasaun China no produtu sira ne’e to’o ona iha Timor, maibe sira seidauk hetan autorizasaun husi ministerio da saúde atu hasai produtu sira ne’e husi portu tanba ne’e hakarak lakohi servisu laboratoriu depende ba laboratoriu nasional deit.

Entretantu, Diretur Aprovizionamentu, iha Servisu Autónomo Medikamentu no Ekipamentu Saúde Institutu Publiku (SAMES, IP), Francisco Borges, hateten sira halo ona kontaktu ho kompanhia balun atu urgente fornese reajente teste dengue nian tanba tinan 2020, kompras ho kuantidade ki’ik la sufisiente ona atu distribui ba fasilidade saúde sira hotu.

“Ita mos agora halo hela prosesu kompras emergensia ba reajente ne’ebe uza halo teste ba dengue nian. ohin ita komunika ona kompaña tolu mak prontu atu fornese balun iha stok prontu hela atu halo deliberasaun lalais no balun presiza entre saman tolu halo deliberasaun mai to’o iha Timor tanba ne’e ami esforsu hela ida ne’e atu fasilita maluk sira iha trenu hodi fo atendimentu ne’ebe diak liu tan,” nia hateten.

Iha parte seluk, Xefe Suku Caicoli, Hipolito Marques Sarmento hateten numeru kazu dengue aumenta makas iha munisipiu Dili tanba servisu intervensaun ba prevensaun moras tarde.

Nia dehan moras rejistu makas ona mak ema hotu hakfodak halo asaun prevensaun sira tarde ona labarik barak hetan infesaun tenke ba baixa to’o hospital nakonu.

“Iha Caicoli ami halo ona sirkular ida ba kada Aldeia atu taka informasaun no avizu sai tama komunidade hamos valeta, hare bee foer iha vazu aifunan, roda aat sira no tanki bee sira tneke fase. Ne’e mak ami agora lao hela,” nia hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04