Quarta, Setembro 22, 2021

Diretora Executiva Servisu Autonomu Medikamentu no Ekipamentu Saúde (SAMES), Santana Martins hateten loron sabdu no domingu semana kotuk, sira tenke rekolha fali oksijéniu disponivel 40 gravas husi hospital referal Maubesi munisipio Ainaro no armajen regional Baucau nian hodi reforsa atendimentu iha sala izolamentu Vera Cruz no Lahane tanba numeru pasiente presiza oksijéniu aumenta, maibe oksijéniu disponivel iha armajen central laiha.

Diretora Executiva Servisu Autonomu Medikamentu no Ekipamentu Saúde (SAMES), Santana Martins hateten loron sabdu no domingu semana kotuk, sira tenke rekolha fali oksijéniu disponivel 40 gravas.

Nia salienta prosesu ense fila fali oksijéniu ba silidru laran ne’e presiza tempu no stok disponivel laiha, entau tenke foti fali oksijéniu disponivel sira iha munsipiu tanba importante salva vida pasiente nian.

“Ami iha dificuldade atu rekoilha gravas ou silidru sira lalais hodi halo re-fill ou ense fila fali, Maibe konaba produsaun kompanha informa disponivel hela tanba ne’e kolega sira esforsu makas halo movimentu 24 oras halo rekolhamentu ba silindrus iha munsipiu atu bele ense fila fali,” nia hateten.

Nia dehan utilizasaun oksijéniu iha fatin izolamentu Vera Cruz no Lahane iha fulan Agostu to’o Setembru ne’e aumenta makas kuaze loron ida 120 to’o 180 gravas tanba numeru kazu ho kategoria grave no kritiku aumenta makas.

Nia hateten sira nafatin halo esforsu buka apoia silidru oksijéniu no rekomenda nafatin ba governu atu sosa tan ekipamentu mediku sira hanesan oksijéniu concentor atu bele utiliza hanesan alternativu tanba akontese situasaun kritiku difisil salva vida.

Nia informa foin lalais governu Australia apoia tan 30 gravas oksijéniu no governu Portugal apoia 15 gravas. No iha komitmentu atu apoia tan 90 silindru oksijéniu.

Iha parte seluk, Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo hateten numeru kazu infesaun foun aumenta makas no ema presiza hospitalizasaun mos aumenta.

“Iha loron 7 fulan Setembru tinan 2021, Izolamentu Vera Cruz, Lahane, HNGV no fatin seluk iha teritoriu laran tomak halo tratamentu hospitalizadu ba kazu detetadu positivu nain 96,” nia hateten

Nia dehan pasiente nain 96 ne’e nain 12 kondisaun grave kompostu husi nain 3 uza ventilador, nain 3 uza CPAP-Continuous Positive Airway Pressure, nain 6 uza oksijéniu. No nain 55 ho kondisaun moderadu, nune’e mos nain 29 ho kondisaun leve.

Dadus evolusaun surtu covid-19 iha Timor-Leste, husi loron 21 fulan Marsu tinan 2020 to’o loron 7 fulan Setembru tinan 2021, total kazu konfirmadu positivu hamutuk 17,888. Husi numeru ne’e nain 13,863 maka rekuperadu ona, nain 3,941 ativu no nain 85 maka mate.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04