Quarta, Setembro 22, 2021

Diretora Servisu Saúde Munisipiu Dili, Agustina da Costa Segurado hateten durante periodu konfinamentu domisiliariu hahu loron 27 fulan Agostu to’o loron 2 fulan Setembru, numeru populasaun elejivel ne’ebe mai simu vasina dose dahuluk no daruak tun signifikante tebes.

Diretora Servisu Saúde Munisipiu Dili, Agustina da Costa Segurado hateten durante periodu konfinamentu domisiliariu hahu loron 27 fulan Agostu to’o loron 2 fulan Setembru, numeru populasaun elejivel ne’ebe mai simu vasina dose dahuluk no daruak tun signifikante tebes.

Nia salienta ekipa saúde nafatin halo esforsu atu hasa’e kobertura vasinasaun, liu husi halo sensibilizasaun sai tama aldeia no asegura postu vasinasaun sira loke, maibe fila fali ba ema ida-ida tanba vasina la obrigatoriu.

“Partisipasaun komunidade mai postu vasina menus tebes, ita nia atinjimentu ida antes loron ida ema 2,000 to’o 3,000, maibe depois aplikasaun konfinamentu numeru tun to’o 600 resin deit, entau hau kompara iha impaktu tebes ba atividade kampanha vasinasaun,” nia hateten iha servisu fatin Formosa, Dili.

Nia hateten bazea ba dadus ema 8,000 resin ne’ebe lolos tenke hetan dose daruak iha fulan Agostu, maibe sira la mai postu vasinasaun atu kompleta vasina. No iha fulan Setembru ne’e ema nain 16,000 mak sei simu vasina dose daruak tanba ne’e sira trasa hela estratejia atu konvense ema hira ne’e mai kompleta sira nia vasina.

Nia haktuir ho evolusaun variante Delta iha munisipiu Dili, ema sira ne’ebe seidauk simu vasina no sira ne’ebe simu ona vasina dose dahuluk mos iha risku atu hetan infesaun ho gravidade ne’ebe posibilidade bo’ot lori sira ba mortalidade tanba ne’e tenke fo importansia atu kompleta vasina.

“Planu vasina dor to dor ne’e iha ona, maibe hau nia ekipa ba halo ona sira duni no trata, ate sira iha izolamentu mos trata ami tanba ne’e ami labele lao mesak. Entau ami tenke lori fali planu ne’e ba autoridade munisipiu Dili no ekipa taskforce atu bele tun hamutuk,” nia hatutan.

Nia informa dadus ne’ebe iha hatudu momos katak ema hira ne’ebe mate ho Covid-19 maioria seidauk simu vasina no iha nain ida rua deit maka simu ona vasina.

Iha parte seluk, komunidade Mariano Soares hateten governu tenke trasa planu ne’ebe diak atu hasa’e kobertura vasinasaun iha periodu konfinamentu obrigatoriu tanba transporte publiku sira labele halo operasaun komunidade labele asesu ba fasilidade saúde sira atu simu vasina.

“Konfinamentu domisiliariu katak hela deit iha uma, no transporte publiku sira lahalo operasaun oinsa komunidade bele ba to’o iha fasilidade saúde sira atu simu vasina,” nia hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04