Terça, Agosto 03, 2021

Diretor Nasional Saúde na Familia (SnF), iha Ministerio da Saúde, Vitor Soares Martins hateten sentru rejistu elektroniku estabelese deit iha fatin rua hanesan servisu saúde munisipio Dili no Centru Convensaun Dili hodi rejistu sidadaun sira ne’ebe simu kompleta ona vasina Covid-19 tanba rekursu humanu menus atu koloka ba postu vasinasaun hotu.

Diretor Nasional Saúde na Familia (SnF), iha Ministerio da Saúde, Vitor Soares Martins hateten sentru rejistu elektroniku estabelese deit iha fatin rua hanesan servisu saúde munisipio Dili no Centru Convensaun Dili.

Nia konsente sidadaun sira simu tiha vasina iha postu vasinasaun sira tenke ba fali iha sentru hodi registu iha elektroniku atu bele hetan ID no kode asesu ba sertifikadu vasinasaun.

“Agora dadaun ita utiliza rejistu saúde elektronika atu fasilita sertifikasaun ba kartaun vasina nian atu evita falsifikasaun kartaun kinur vasina nian tanba ita bele detekta karik iha ema ruma halo falsifikasaun,” nia hateten hafoin partisipa iha lansamentu postu vasinasaun Sinovac iha Institutu Superior Cristal, Dili.

Nia dehan tuir lolos postu vasinasaun ida iha ekipa tolu hanesan ekipa fo vasina, ekipa responde ba reasaun adverse karik mosu depois simu vasina, no ekipa registu eletroniku, maibe tanba rekursu humanu limitadu fatin seluk nafatin uza sistema manual.

Nia informa sira iha pesoal kualifikadu atu kaer sistema ne’e nain 10, no sira kontratu tan ema nain 28 atu reforsa atendimentu registu eletroniku iha postu vasinasaun sira.

Iha parte seluk, komunidade Jeniche da Costa hateten presiza duni atu aumenta rekursu humanu iha parte rejistu eletroniku nian atu asegura servisu mais efetivu liu tan, liu-liu ema labele hein oras 3 hodi asesu sistema.

“Prosesu atu simu vasina ne’e lais, maibe depois simu tiha vasina ita ba fali rejistu ba sistema elektroniku ne’e maka kleur, kuaze ita hein oras tolu nia laran rejistu naran iha sistema,” nia hateten

Nia dehan ba ema sira ne’ebe idade reprodutivu no kondisaun saúdavel sei bele aguenta hein oras tolu hodi rejistu naran ba sistema, maibe ba ema idosus sira no ema hira ne’ebe ho moras depois vasina hein kleur tan asesu ba sistema.

Tuir dadus rejistu elektroniku vasinasaun nasional, total populasaun elejivel ne’ebe simu ona vasina Covid-19 hamutuk 34143. Husi numeru ne’e nain 33,731 simu dose dahuluk, no nain 11,868 kompleta ona dose segundu vasina Covid-19.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04