Domingo, Junho 20, 2021
Total visitors: 566016

Diretor Servisu Saúde Munisipio Bobonaro, João Baptista Mau Cardoso, hateten dadaun ne’e atendimentu iha unidade OPD ou konsulta ambulatoriu iha hospital referral Maliana taka tanba profesional saúde nain 13 maka detetadu positivu Covid-19.

Diretor Servisu Saúde Munisipio Bobonaro, João Baptista Mau Cardoso, hateten dadaun ne’e atendimentu iha unidade OPD ou konsulta ambulatoriu iha hospital referral Maliana taka tanba profesional saúde nain 13 maka detetadu positivu Covid-19.

Nia salienta atendimentu konsulta ambulatoriu muda fali ba hamutuk iha sentru saúde Maliana, maibe atendimentu seluk hanesan iha enfarmaria sira no operasaun lao normal.

“Ema sira ne’ebe presiza kunsulta, sira tenke lao dook oituan tanba sentru saude iha liu suku Ritabou. Sira lao kuaze kilometre 6 husi hospital referral ba sentru saúde Maliana,” nia hateten via telephone.

Nia dehan alende profesional saúde sira, pesoal saúde sira ne’ebe servisu iha saúde munisipio atu halo prevensaun no mitigasaun ba surtu Covid-19 mos nain 8 positivu Covid-19 tanba ne’e fo implikasaun ba servisu sira iha terenu.

Nia hatutan servisu ne’ebe sira halao maka buka tuir kontaktu besik husi ema sira ne’ebe deteta positivu hansan sira nia familia no vizinho halo swab, atu sira ne’ebe rezultado positivu tenke ba izolamentu hodi evita propgasaun iha komunidade.

Iha parte seluk, Membru Parlamentu Nasional, Deputada Maria Barreto husu ministerio da saúde atu apoia tenda ba sentru saúde Maliana hodi fo atendimentu ba pasiente sira tanba atendimentu konsulta ambulatoriu iha hospital referral muda hotu ona ba sentru saude Maliana.

“Kestaun maka ne’e sentru saúde Maliana nia kondisaun la premite atu fo atendimentu ba ema ho kuantidade barak, tanba ne’e ami rekomenda ba ministerio da saúde apoia tenda ruma ba sira atu nune’e bele loke iha sentru oin hodi fasilita kondisaun ne’ebe diak ba pasiente,” nia hateten

Entertantu, deputada Domingas dos Santos husu ministerio da saúde atu fornese ekipamentu protesaun pesoal ne’ebe adekuadu no konsensializa profesional saúde sira atu utiliza ekipamentu protesaun durante halao servisu atendimentu ba pasiente.

“Iha hospital referral Maliana, profesional saúde sira limitado, maibe oras ne’e dadaun sira barak maka afetado ho virus no sira tenke tama izolamentu tanba ne’e atendimentu konsulta iha klinika tenke taka,” nia hateten.

Nia dehan profesional saúde sira risku bo’ot atu hetan infesaun virus tanba ne’e importante tebes atu asegura ekipamentu protesaun pesoal sira disponivel iha fasilidade saúde hotu no garantia ema hotu ne’ebe halao servisu utiliza ekipamentu sira ne’e ho apropriado atu bele evita transmisaun iha hospital laran.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04