Domingo, Junho 20, 2021
Total visitors: 566016

Kordenador ekipa mediku iha sala izolamentu Vera Cruz, Doutor Flavio Brandao hateten numeru kazu detetadu Covid-19, ne’ebe baixa ho kategoria moderadu no grave aumenta ba beibeik, maibe sira nafatin halao esforsu atu fo atendimentu kuidadu saúde ne’ebe diak ba pasiente.

Kordenador ekipa mediku iha sala izolamentu Vera Cruz, Doutor Flavio Brandao hateten numeru kazu detetadu Covid-19, ne’ebe baixa ho kategoria moderadu no grave aumenta ba beibeik, maibe sira nafatin halao esforsu atu fo atendimentu kuidadu saúde ne’ebe diak ba pasiente.

“Iha Vera Cruz ita fo tratamentu holistiku, laos Covid-19 deit. Tanba Covid-19 la hamrik mesak, ema ida-ida ho moras keta ketak hanesan balun iha moras kurasaun entaun mediku iha atu hare, balun presiza operasaun mediku iha atu halo operasaun, no sira ho moras tensaun tratamentu ba tensaun nian. Ita iha mediku hotu servisu ekipa iha Vera Cruz tanba ne’e atendimentu iha Vera Cruz no hospital laiha diferensia, diferensia maka tau ketak sira ho positivu Covid-19 ho sira ne’ebe la ho Covid-19,” nia hateten iha servisu fatin Bidau, Dili.

Nia apela nafatin ba publiku atu fo konfiansa ba ekipa mediku iha sala izolamentu Vera Cruz hodi halao sira nia servisu, no labele tauk ba izolamentu tanba importante deteta sedu hodi halo intervensaun sedu sei redus numeru mortalidade.

Tuir dadus rezumu epidemilojia semana dahat hahu loron 10-16 fulan Maio nian hatudu kazu detetadu iha Timor-Leste ho sintomatiku, ne’ebe tama kategoria moderadu, grave no kritiku husi 7% iha fulan Abril sa’e ba 15% iha fulan Maio.

Entretantu, Deputado Parlamentu Nasional Adriano do Nasimentu preokupa ho prontidaun governu nian atu responde ba surtu Covid-19, liu-liu kapasidade fasilidade no ekipamentu mediku iha fatin izolamentu ba kazu grave no kritiku.

“Ita hare lorloron ema 100 no 50 resin maka positivu halo izolamentu. Oinsa fasilidade, liu-liu ba sira ne’ebe mai ho sintoma grave presiza toba fatin, oxygen no ventilador. Hau rona semana ida tan oxygen, ventilador laiha ona ba ema sira ne’ebe grave no fatin iha Dili mos laiha ona atu muda fali ba Liquisa no Manatutu, presiza esplikasaun atu ita hotu matan moris neon nain ba moras ida ne’e,” nia hateten.

Nia dehan numeru infesaun sa’e makas no transmisaun aumenta bo’ot ba beibeik iha munisipio Dili, maibe populasaun barak nafatin la fair ezistensia virus ida ne’e nian hodi la fiar profesionais saúde sira, la kumpri medida preventive sira.

Nia hatutan situasuan ida ne’e nafatin akontese no governu laiha altertantiva seluk atu toma maka Timor-Leste sei bele sai hanesan Brazil, India, Amerika no nasaun seluk ne’ebe hahu la fiar to’o ema mate barak susar ona evita.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04