Domingo, Junho 20, 2021
Total visitors: 566016

Diretora Nasional Rekursu Humanu, iha Ministerio da Saúde, Tomasia de Sousa hateten sira halo hela jestaun ba rekursu humanu, liu-liu mediku espesialista sira iha area esensial hat hanesan medisina interna, sirulgiaun, obstetrisia, Cardio atu iha sala izolamentu ba kazu moderadu no grave tanba numeru kazu hospitalizasaun mos aumenta.

Diretora Nasional Rekursu Humanu, iha Ministerio da Saúde, Tomasia de Sousa hateten sira halo hela jestaun ba rekursu humanu, liu-liu mediku espesialista sira iha area esensial hat hanesan medisina interna, sirulgiaun, obstetrisia, Cardio atu iha sala izolamentu ba kazu moderadu no grave.

Nia salienta mediku espesialista Timor oan foin nain 63, ne’ebe la sufisiente atu asegura prestasaun saúde regular no responde ba Covid-19, maibe iha apoia espesialista sira husi Cuba nain 100 resin.

“Ita iha 63 mediku espesialista inklui sira nain 17 ne’ebe fila ona husi Cuba. Barak liu ami koloka responde ba Covid-19 tanba sira nia espesialidade ba area importante sira ne’e,”

“Agora ita hare ita nia rekursu se lato’o, pandemia ne’e mai nafatin maka hakarak lakohi governu tenke husu apoia, bele husi China no Cuba tanba ita iha koperasaun ho sira,” nia hateten iha Hotel Novu Turismo, Dili.

Nia dehan dadaun ne’e iha ekipa hat halao servisu rotativa iha sala izolamentu Vera Cruz. Kada ekipa kompostu husi mediku espesialista, mediku jeral, enfermeiru, parteira no tekniku aliadu tanba pasiente ruma presiza halo analiza radiologia. No ekipa ida tama durante loron 14 no ekipa ida seluk subtitui fali.

Nia hatutan sira mos iha ekipa ida rezerva atu bele subtitui, wainhira ekipa alokadu sira balun hetan infesaun husi Covid-19 tanba servisu atendimentu tenke lao nafatin.

Iha parte seluk, kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Doutor Rui Maria de Araújo hateten durante loron hitu ikus ne’e taxa insidensia Covid-19 maka 12, 5/100,000 habitantes, enkuantu iha deit munisipio Dili taxa insidensia 40, 8/100,000 habitantes. Signifika munisipio Dili sai fatin ho risku bo’ot liu atu populasaun hetan daet no hadaet tutan virus SARS-CoV-2 ba ema seluk.

“Iha dia 14 de Maiu tinan 2021, izolamentu Vera Cruz halo tratamentu ba kazu detetadu nain 26. Husi ne’e nain 10 iha area obstetrisia, sira hotu tama kategoria moderadu no sira nia kondisaun estavel. No nain 16 iha area medisina interna, nain 5 kategoria grave tanba nain ida uza ventilador, nain ida uza CPAP, nain 3 uza oksijeniu, no nain 11 moderadu,” nia hateten.

Nia dehan kazu moderanu no grave ne’ebe baixa iha sala izolamentu Vera Cruz aumenta, wainhira ema barak liu maka detetadu positivu. Entau ema barak deteta positivu maka ema barak liu tan maka sei baixa ho kategoria moderadu no grave.

Tuir dadus komulativu Covid-19 nivel nasional, husi 21 fulan Marsu tinan 2020, to’o 14 fulan Maiu tinan 2021, hatudu katak total kazu 4118. Husi ne’e nain 1968 sei iha tratamentu, no nain 2142 rekuperadu ona, maibe nain 8 maka mate ona ho Covid-19.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04