Sexta, Abril 16, 2021
Total visitors: 558227

Kordenador Pilar VII Konaba Jestaun Kazu, Doutor Nilton da Silva, anunsiu ba publiku katak iha loron 6 fulan Abril tinan 2021, oras 7:10 dadersan, Timor-Leste registu primeiru kazu mortalidade tanba Covid-19.

Kordenador Pilar VII Konaba Jestaun Kazu, Doutor Nilton da Silva, anunsiu ba publiku katak iha loron 6 fulan Abril tinan 2021, oras 7:10 dadersan, Timor-Leste registu primeiru kazu mortalidade tanba Covid-19.

Nia salienta, matebian feto ho idade tinan 44, no matebian halo teste iha loron 23 fulan Marsu, no iha loron 24 Marsu rezultadu laboratoriu hatudu positivu ba Covid-19 tanba ne'e ekipa lori matebian ba iha isolamentu Tasi Tolu hodi halo observasaun.

Nia dehan iha loron 4 fulan Abril, matebian hamosu sintoma lizeiru tanba ne'e profesional saude sira halo observasaun no atendimentu tuir protokolu covid-19, maibe matebian laiha mudansa tanba ne'e transfere ba izolamentu ba kazu grave iha Lahane.

"Pasiente mai ho kondisaun nebe grave ho termu mediku ami dehan gagal ginjal kronik, entaun ho ida ne'e kolega sira fo duni atendimentu tuir padraun nebe mak ita iha, maibe ohin dadersan purvolta oras 7:10 maluk refere hakotu nia iis," nia hateten iha sala ICU ba Covid-19 Lahane, Dili.

Nia dehan prosesu funeral ba pasiente refere sei tuir protokolu covid-19, no sei haloot iha fatin nebe governu indika ona iha Metinaru.

Iha parte seluk, Presidente Cruz Vermeilha Timor-Leste, Madalena Hanjam hateten sira hanesan ausiliario governu entaun sira apoia iha parte tolu mak hanesan prevensaun, jestau kazu liu-liu mobiliza moras sira, no jestaun ba mate isin tanba ne'e ekipa sira iha treinu halo hela servisu.

"Hau sente situasaun agora ita tama iha todan, primeiru mak ho ita nia pobreza no sistema ne'ebe fraku tebes husi setor barak, entau tenke Kontrola makas, iha politika no strategia ne'ebe diak no logistika atu apoia," nia hateten.

Nia dehan servisu sira ne'e tenke iha Rede servisu ne'ebe diak ho parseiru sira hotu hodi mobiliza apoia sira atu bele halo prevensaun no kontrolu ba Surtu covid-19.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04