Sexta, Abril 16, 2021
Total visitors: 558227

Reprejentante Organizasaun Mundial Saúde (OMS), Doutor Arvind Mathur hateten sira sosa tan 20,000 GeneXpert Cartridges apoia hasa’e kapasidade laboratoriu nasional hodi halo teste ba Covid-19 iha rai laran.

Reprejentante Organizasaun Mundial Saúde (OMS), Doutor Arvind Mathur hateten sira sosa tan 20,000 GeneXpert Cartridges apoia hasa’e kapasidade laboratoriu nasional hodi halo teste ba Covid-19 iha rai laran.

Nia dehan aviaun aluga ne’e, lori mos sasan esensial atu responde ba Covid-19, liu-liu servisu survelensia nian hanesan GeneXpert cartridges atu halo teste ba Covid-19.

“Ida ne’e sei hasa’e kapasidade teste no informa informasaun ne’ebe akuradu kona ba Covid-19 ho diak, tanba ami nafatin halo advokasia ba pratika saúde publika no asaun social,” nia hateten hafoin entrega vasina
AstraZeneca ba ministra da saúde doutora Odete Maria Freitas Belo iha Aeropotu Internasional Presidente Nicolau Lobato, Dili.

Nia dehan OMS hanesan parseiru ne’ebe hetan fiar sei kontinua lao hamutuk ho governu Timor-Leste iha luta ida ne’e.

Nia hatutan evolusaun kazu a’as ba beibeik, importante nafatin kumpri medida preventive hanesan uza maskara, fase liman beibiek ho sabaun no bee, halo distansiamentu fisiku, evita halibur malu.

Iha parte seluk, Diretora Jeral Prestasaun Saúde, iha Ministerio da Saúde, Doutora Odete Viegas da Silva hateten ekipamentu teste sira ne’e importante tebes atu fo biban ba ekipa vijilansia halo teste barak liu tan.

“Ohin mai mos ekipamentu teste nian, ida ne’e bele fo biban ba kolega sira vijilansia atu nafatin halo teste swab ba estudante sira ne’ebe hakarak fila ba munisipiu, ita sei organiza para hasai swab atu sir abele fila ba sira nia
rai,” nia hateten.

Nia dehan dadaun ne’e kapasidade laboratoriu nian halo teste kuaze 1,000 amostra kada loron.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04