Sexta, Abril 16, 2021
Total visitors: 558227

Ministra da Saúde, Doutora Odete Maria Freitas Belo hateten vasina AstraZeneca ho kuantidade 24,000 doses husi 20% ne’ebe apoia husi COVAX Facility to’o ona iha Timor-Leste, no planu sei halo lansamentu iha loron 7fulan Abril tinan ne’e 2021.

Ministra da Saúde, Doutora Odete Maria Freitas Belo hateten vasina AstraZeneca ho kuantidade 24,000 doses husi 20% ne’ebe apoia husi COVAX Facility to’o ona iha Timor-Leste, no planu sei halo lansamentu iha loron 7 fulan Abril tinan ne’e 2021.

Nia salienta prezensa vasina refere, bele haforsa diak liu tan esforsu tomak ne’ebe governu halo hodi prevene populasaun hetan moras todan no mortalidade tanba Covid-19. No fo biban ba populasaun tomak atu dezenvolve ekonomia rai laran.

“Ita sei enfrenta problema ida seluk maka oinsa ita konvense ita nia komunidade sira atu muda sira nia hanoin no hahalok hodi bele simu vasina ne’e.

Vasina ne’e seguru, kualidade no nia efikasia diak. Ita hili vasina ne’ebe diak ba ita nia rai, ita lahili buat ne’ebe a’at ba ita nia rai,” nia hateten hafoin simu vasina AstraZeneca iha Aeroportu Internasional Nicolau Lobato, Dili.

Nia dehan ema nain 20 husi linha frenta sira inklui Primeiru Ministru Taur Matan Ruak maka sei simu vasina AstraZeneca iha loron lansamentu, maibe lista naran liña frente sira atu hetan vasina iha primeiru faze tama ona.

Nia informa transportasaun vasina faze segundu sei to’o mai iha fulan Maio no Julho tinan 2021, atu kompleta 20% ou 263,000 doses.

Iha oportunidade ne’e nia mos hato’o agradesementu ba agensia internasional inklui Organizasaun Mundial Saúde (OMS) no UNICEF, parseiru dezenvolvimentu sira no diplomata sira hotu ne’ebe halo esforsu hamutuk hodi lori vasina ne’e to’o mai iha Timor-Leste. No sei kontinua iha komitmentu atu apoia governu implementa vasina ne’e ba komunidade sira.

Entretantu, Diretur Ezekutivu Servisu Autonomia Medikamentu no Ekipamentu Saúde (SAMES), Santana Martins hateten cold room ne’ebe instaladu iha armajena central seguru atu halo armajenamentu ba vasina AstraZeneca, maibe sira nafatin halo esforsu hodi antisipa situasaun seluk ne’ebe bele mosu iha kulaker tempu.

“Ita nia fatin ba vasina ne’ebe ohin to’o ne’e seguru, maibe importante maka EDTL tenke atensaun ba eletrisidade. Ita iha jelador, maibe akontese inundasaun ida hodiseik afetado maske kompania halo ona manutensaun no funsiona hikas ona,”

“Ami mos buka tan alternative seluk atu lori vasina ne’e ba salva guarda iha kompania sira nia jelera,” nia hateten.

Nia dehan inundasaun ne’ebe akontese hodiseik konsegue estraga ekipamentu protesaun pesoal no ekipamentu seluk relasional ho Covid-19 ho kuantidade ne’ebe bo’ot oituan tanba bee tama iha armajena temporario ne’ebe instala iha armajena central.

Iha parte seluk, Reprejentante OMS iha Timor-Leste, Doutor Arvind Mathur hateten semana hirak ba kotuk hanesan tempu difisil ba servidor saúde sira ne’ebe halao servisu responde ba surtu Covid-19, ne’ebe kazu aumenta makas, maibe vasina ne’e hanesan simbolu ba esperansa no promesa ba future ne’ebe diak.

“Hau haforsa katak vasina Covid-19 hanesan meus ida ne’ebe efetivu ba ita atu uza ita nia kilat hodi luta hasoru surtu Covid-19. Hau fiar vasina ne’e seguru hanesan vasina seluk ne’ebe ema hatene no konsumu ona tanba vasina ne’e hetan ona lisensa atu uza iha situasaun emergensia (EUL) husi WHO, hafoin prense rekejitus sinetifiku ne’ebe rigorozu,” nia hateten.

Nia aplea ba servidor saúde sira no servisudor seluk ne’ebe hola parte iha liña frente atu mai ho konsensia no voluntario simu vasina ne’e tanba vasina ne’e seguru no efetivu atu prevene aan husi virus.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04