Sexta, Abril 16, 2021
Total visitors: 558227

Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Doutor Rui Maria de Araújo anunsia ba publika katak iha loron 29 fulan Marsu, deteta tan kazu konfirmadu positivu nain 21 iha munisipio Dili tanba ne’e total kazu detetadu hahu loron 7 to’o 29 fulan Marsu hamutuk nain 350.

Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Doutor Rui Maria de Araújo anunsia ba publika katak iha loron 29 fulan Marsu, deteta tan kazu konfirmadu positivu nain 21 iha munisipio Dili.

Nia salienta klasifikasaun transmisaun virus iha kapital Dili sei konsidera kazu iha cluster, signifika katak fonte transmisaun iha fatin sira ne’ebe deteta ona kazu konfirmadu.

Nia dehan ekipa konjunta saúde identifika iha foku ou cluster ba kazu positivu iha kapital Dili hamutuk 45, kompostu husi aldeia 42 iha Postu Administrativu Dom Aleixo, Vera Cruz, Nain Feto no Cristo Rei, no instituisaun Hospital Nasional Guido Valdares, fatin kuarentina iha Dili laran.

“Iha Munisipio Dili sei iha cluster 45 maka sei nafatin hatudu atividade hada’et tutan virus SARS-Cov-2 husi ema ida ba ema seluk, liu-liu iha Suku Bebonuk, Fatuhada no Comoro,” nia hateten liu husi komunikadu ne’ebe TDW asesu ba.

Nia dehan kazu foun 21 ne’e, kompostu husi mane nain 13 no feto nain 8. Pasiente sira ne’e nain 5 hatudu sintoma lizeiru hanesan isin manas, inus bee no mear, no nain 16 asintomatiku katak la hatudu sintomas.

Iha oportunidade ne’e, nia apela nafatin ba komunidade iha fatin ne’ebe maluk sira rekuperadu hela ba atu labele tauk no labele diskrimina sira tanba sira laiha ona risku atu hadae’t virus.

Nia informa mos evolusaun kazu iha munisipio Baucau, Viqueque no Lautem inklui RAEOA laiha kazu foun, maibe atividade vijilansia sentinela kontinua lao nafatin.

Tuir dadus jeral Covid-19, iha loron 29 fulan Marsu tinan 2021, total kazu foun nain 21, rekuperadu nain 1 no pasiente ne’ebe ativu halo tratamentu iha sala izolamentu hamutuk nain 342.

Iha parte seluk, Membru Parlamentu Nasional, deputada Irene Sarmento preokupa ho protokolu prevensaun no mitigasaun surtu Covid-19 ne’ebe adopta iha rai laran, liu-liu atuasaun ba membru familia sira ne’ebe detetadu kazu positivu.

Nia fo ezemplu, semana kotuk iha parte Becusse familia ida inan detetadu positivu Covid-19, no ekipa saúde hamutuk ho polisia no forsa ba foti pasiente ne’e ba fatin izolamentu no hasai mos amostra husi membru familia tomak.

Nia dehan depois hasai amostra familia sira ne’e la lori ba fatin kuarentina no sira mos lahalo autokuarentina sai livre ba mai hela, no liu tiha loron rua ekipa saúde mai fali foti tan oan mane, ne’ebe tur halimar hela ho kolega sira iha vizinho tanba rezultado positivu, signifika virus ne’e hada’et tutan ona ba ema lubun.

“Sente triste tebes ita atu halakon moras ne’e, maibe meus ne’eb ita adopta ladun diak.Husu ministerio saúde atu hadia mekanismu ne’ebe durante ne’e sira implementa. Lolos uma kain ne’ebe hetan ona kazu husu atu serka kedas uma ne’e para familia uma laran ne’e labele sai husi uma laran hodi hein rezultado sai atu ita bele hamenus moras ne’e se lae lorloron moras ne’e aumenta ba beibeik,” nia hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04