Sexta, Abril 16, 2021
Total visitors: 558227

Presidente Asosiação Dos Profissionais Psicologia de Timor-Leste (APPSTIL), Lauriano Fernandes husu sosiedade ne’ebe presiza apoia psicologia, liu-liu iha situasaun pandemia Covid-19 bele kontaktu sira hodi hetan atendimentu husi profesionais atu ajuda solusiona sentimentu ne’ebe halo ema sente preokupadu no lahakmatek.

Presidente Asosiação Dos Profissionais Psicologia de Timor-Leste (APPSTIL), Lauriano Fernandes husu sosiedade ne’ebe presiza apoia psicologia, liu-liu iha situasaun pandemia Covid-19 bele kontaktu sira hodi hetan atendimentu husi profesionais atu ajuda solusiona sentimentu ne’ebe halo ema sente preokupadu no lahakmatek.

Nia salienta sosiedade nia konhesimentu kona ba psicologia sei menus tebes, realidade kazu tenta oho aan, oho aan no sofre depresaun iha rai laran a’as tanba intervensaun inisio sala.

“Dala barak ema hanoin ba psicologo sira, hau tauk kolega sira hateten hau moras mental. Entaun prefere konta ba kolega sira ne’ebe durante ne’e lao hamutuk ho esperansa sira rai, maibe depois konta sai sentimentu sira ne’ebe halo ita lahakmatek no hanoin barak kolega ba konta fali ba ema seluk ikus mai to’o iha ita nia tilun aumenta tan sofrementu, no to’o tempu ida nakfera maka monu ba depresaun. Ne’e realidade akontese duni,” nia hateten iha servisu fatin Farol, Dili.

Nia dehan buka apoia psicologia laos sofre ona moras mental, maibe buka ema profesionais atu ajuda guia hodi solusiona sentimentu ne’ebe halo ema la hakmatek, tauk no hanoin barak.

Nia hateten sira halo esforsu atu hasa’e konsiensia publika kona ba ezistensia profesionais psicologia no importansia atendimentu psicologia ba dezenvolvimentu personalidade ema nian.

Nia informa sosiedade ne’ebe presiza apoia psicologia bele visita fan page Let’s Talk With Us APPSTIL tanba iha numeru kontaktu kompletu atu bele marka orario hodi hetan atendimentu husi profesionais sira.

Iha oportunidade ne’e, nia husu sidadaun sira atu mantein hanoin positivu tanba ida ne’e maka forsa atu bele hasoru situasaun difisil, ne’ebe dadaun ne’e komunidade enfrenta.

Iha parte seluk, Xefe Gabiente Kontrolu Kualidade no Komunikasaun Sosial, iha Hospital Nasional Guido Valdares (HNGV), Sara Maria Xavier hateten kada fulan sempre registu kazu tenta oho aan ho intensaun.

Nia dehan iha fulan Janeiru tinan 2021, registu kazu ho intensaun hakarak oho aan nain 4, no asidental nain 4 husi total pasiente 4,639, ne’ebe tama iha sala emergensia.

“Kazu intosikasaun ho intensaun hakarak oho aan nain 4 no sira ne’ebe la sengaja ou asidental nain 4,” nia hateten.

Nia dehan pasiente sira ne’e hetan tratamentu mediku, no sira ne’ebe presiza apoia psicologia sira refere ba sentru kuidadu aguda atu bele hasoru ho mediku psikiatria no profesionais psicologu sira.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04