Sábado, Março 06, 2021
Total visitors: 551764

Xefe Gabinete Kontrolu Kualidade no Komunikasaun Sosial, iha Hospital Nasional Guido Valdares (HNGV), Sara Maria F. Xavier informa katak iha fulan Janeiru tinan 2021, pasiente nain 16 husi total 4639, ne’ebe tama iha sala emergensia mate tanba sofre moras atakasaun fuan no moras grave.

Xefe Gabinete Kontrolu Kualidade no Komunikasaun Sosial, iha Hospital Nasional Guido Valdares (HNGV), Sara Maria F. Xavier informa katak iha fulan Janeiru tinan 2021, pasiente nain 16 husi total 4639, ne’ebe tama iha sala emergensia mate tanba sofre moras atakasaun fuan no moras grave.

Nia salienta pasiente ne’ebe tama iha emergensia ho diferente kazu hanesan sofre moras, asidente trafiku, violensia domestika fisiku, violensia fisiku sosial, violasaun seksual, tenta oho aan no konsumu alkohol demais.

“Pasiente sira mate iha sala emergensia ne’e hamutuk nain 16, ne’ebe nain 10 to’o iha emergensia mak mate, no nain 6 mate ona iha dalan husi uma ou sentru saúde ba hospital. Sira mate tanba sofre hipertesaun, raan fakar barak demais hetan shock mate, hetan atakasaun fuan, no moras komplikasaun seluk,” nia hateten iha servisu fatin Bidau, Dili.

Nia dehan husi total 4693 pasiente ne’ebe tama iha sala urgensia, nain 16 mate iha sala urgensia, no nain 2397 alta kedas depois hetan tratamentu, no seluk refere ba enfermaria sira atu baixa hodi hetan atendimentu intensivu.

Nia hatutan moras ne’ebe registu makas iha fulan Janeiru mak pasiente pediatria nian hanesan moras diarea, dengue, tanba tempu udan numeru pasiente aumenta.

Iha oportunidade ne’e, nia husu ba pasiente sira ne’ebe hetan atendimentu ladun diak bainhira halo konsulta iha HNGV atu hakerek relatorio insidente tau iha kaixa sujestaun ou bele hato’o direita ba sentru informasaun.

“Ami nakloke simu keixa saida deit atu ita bele hadia diak liu tan kualidade atendimentu ba pasiente sira,” nia hateten.

Nia informa iha situasaun surtu COVID-19, sira limita oras visita nian katak loron ida simu visita dala ida deit hahu husi oras 11:00 dader to’o 2:00 loriak, no pasiente ida autoriza familia ida deit mak hein.

Iha parte seluk, membru Parlamentu Nasional, Deputado Dário Madeira husu Ministerio da Saúde atu tau matan mos ba profesionais saúde sira iha Hospital Nasional Guido Valdares (HNGV) tanba sira halo serivsu fo atendimentu ba pasiente sira.

“Iha Hospital Nasional Guido Valdares (HNGV), ita nia enfermeiru no mediku sira nia over time to’o agora la fo, sira sente diskriminadu. Sasan sira ne’e presiza ministra hatene,” nia hateten.

Nia preokupa mos falta ekipamentu medika no medikamentu iha hospital inklui fasilidade saúde sira atu fo atendimentu ba komunidade.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04