Sábado, Março 06, 2021
Total visitors: 551764

Kordenadora Jeral Komisaun Nasional Surtu COVID-19, iha Ministerio da Saúde, Doutora Odete da Silva Viegas hateten implementasaun screening swab test massal iha munisipio Bobonaro, Covalima no Rejiaun Administrativu Espesial Oecusse-Ambeno (RAEOA) ho karakter voluntario, signifika komunidade sira voluntariomente halo teste.

Kordenadora Jeral Komisaun Nasional Surtu COVID-19, iha Ministerio da Saúde, Doutora Odete da Silva Viegas hateten implementasaun screening swab test massal iha munisipio Bobonaro, Covalima no RAEOA ho karakter voluntario.

Nia salienta governu deside halo screening massal iha munisipio tolu ne’e atu bele halo deteksaun no intervensaun sedu, karik akontese transmisaun iha komunidade tanba numeru entrada ilegal barak.

“Situasaun ida agora preokupante tebes ba ita nia sidadaun sira, governu no populasaun tomak ho entrada klandestina sira ne’e. Entau screening massal ne’e bele fo biban ba ministerio da saude atu hatene karik iha frontera munsipio tolu ne’e iha transmisaun ita bele identifika kedas iha semana ida nia laran,” nia hateten iha Hotel City 8 Manleuana, Dili.

Nia dehan servisu vijilansia sentinela iha munisipio sira kontinua lao hela, maske seidauk maximu tanba ne’e ho implementasaun screening swab massal ne’e bele sai sasukat ida ba governu hodi foti medidas atu evita transmisaun iha komunidade.

Nia hatutan screening hahu ona iha loron 16 Febreiru no planu sei remata iha loron 25. No amostra ne’ebe sei koleta iha munisipio tolu ne’e kada loron 100.

Nia informa sidadaun nain 11 inklui motorista kareta anguna no ajudante, ne’ebe sa’e hamutuk ho pasiente covid-19 konfirmadu iha loron hira liu ba identifikadu ona no asegura hela iha fatin kuarentina Batugede.

Iha parte seluk, komunidade Manuel Soares hateten governu presiza fo atensaun makas iha area fronteira tanba informasaun numeru ema sira tama ilegal mos aumenta ba beibeik no numeru afetado covid-19 iha nasaun vizinho mos a’as.

“Hau hanoin governu tenke hola ona desizaun ruma ba area frontera atu bele iha kontrolu ne’ebe maximu ba entrada ilegal sira tanba informasaun ne’ebe ita hare no rona numeru afetado no mate iha rai sorin aumenta ba beibeik,” nia hateten.

Nia dehan screening massal ne’e hanesan meus ida atu bele identifika sedu, karik iha ona transmisaun governu bele halo ona metigasaun atu salva sidadaun sira husi surtu ne’e.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04