Segunda, Janeiro 25, 2021
Total visitors: 544459

Ministra da Saúde, Doutora Odete Maria Freitas Belo hateten governu ho apoia husi governu Australia halo ona proposta ba Global Alliance For Vaccines and Immunization (GAVI) atu bele hetan apoia fundus sosa vasina COVID-19 ba povu Timor-Leste.

Ministra da Saúde, Doutora Odete Maria Freitas Belo hateten governu ho apoia husi governu Australia halo ona proposta ba Global Alliance For Vaccines and Immunization (GAVI) atu bele hetan apoia fundus sosa vasina COVID-19 ba povu Timor-Leste.

Nia dehan GAVI ne’e organizasaun internasional ne’ebe apoia nasaun sira iha ilha pasifika inklui mos Timor-Leste tanba espera orsamentu ne’ebe sira aloka iha faze primeiru ne’e Timor-Leste bele hetan 20% hodi bele kobre populasaun 3% iha rai laran.

“Ita kria hela komisaun ida atu bele hare tanba ita laos deit hare asesu ba vasina, maibe ita nia preparasaun. Ita bo’ot sira hatene buat ida vasina ne’e tenke tau iha fatin ne’ebe malirin no transportasaun vasina,” nia hateten iha servisu fatin Kaikoli, Dili.

“Vasina ne’e foun ita seidauk hatene temperatura, entaun ami prepara hela komisaun ida ne’e servisu hamutuk ho Organizasaun Mundial Saúde no UNICEF atu hetan informasaun sira hodi prepara ita nia kondisaun.”

Nia dehan sira submete tiha ona proposta primeiru ba GAVI tanba sira mak servisu hamutuk ho COVAX atu bele asesu ba vasina. No proposta segundu ba vasina nian submete iha loron 14 fulan Dezembru tinan 2020.

Iha parte seluk, Membru Parlamentu Nasional Deputada Isabel Ximenes hateten surtu COVID-19 sei sai nafatin ameasa saúde publika iha nivel mundial, maibe komesa dada iis ona tanba nasaun sira iha europa anunsia ona vasina kontra COVID-19.

“Notisia diak ida ne’e laos atu hamenus ita nia atensaun no alerta ba surtu covid-19, tanba ita nia nasaun vizinho sira hanesan Indonesia seidauk hato’o medidas ruma ligadu ba vasina kontra covid-19 no realidade iha Timor- Leste kontinua hetan ameasa ba surtu covid-19,” nia hateten.

Nia husu governu atu nafatin haforsa servisu kontrolu sira iha fronteira no hasa’e kapasidade laboratoriu nian atu bele halo vijilansia no kontrolu efetivu liu tan hasoru propagasaun surtu COVID-19.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04