Quarta, Outubro 28, 2020
Total visitors: 530672

Officer in Charge, WHO Country Office Timor-Leste, Doutor Dongbao Yu hateten sira apoia tan makina PCR automatika foun ida ba laboratoriu nasional atu fasilita servisu teste ba COVID-19 nian.

Officer in Charge, WHO Country Office Timor-Leste, Doutor Dongbao Yu hateten sira apoia tan makina PCR automatika foun ida ba laboratoriu nasional atu fasilita servisu teste ba COVID-19 nian.

Nia dehan, kapasidade teste laboratoriu nasional nian kontinua aumenta kompara ho inisio rejista kazu COVID-19 tanba iha fulan Marsu laiha kapasidade atu halo teste iha rai laran.

“Foin lalais OMS apoia laboratoriu ho makina PCR automatika foun, ne’ebe sei fasilita teste barak liu tan iha loron ida. Nune’e fasilidade laboratoriu kompleta ho diak atu hasa’e numeru teste ne’ebe signifikante,” nia hateten iha Kaikoli, Dili.

Nia dehan, agora dadaun teste COVID-19 kompletamente bele halao iha rai laran tanba sira mos ajuda ekipamentu teste COVID-19 nian kuaze hamutuk 14,000 ba laboratoriu nasional.

Iha parte seluk, Diretur NGO Luta Hamutuk, Jose da Costa hateten sistema saúde iha rai laran sei iha limitasaun, maibe iha ona kondisaun balun hodi responde ba iha surtu COVID-19 kompara ho inisio rejistu kazu.

“Hau hanoin sistema saúde ita atu dehan 100% diak lae, maibe ho apoia husi parseiru sira ita kria ona kondisaun balun hanesan harii fasilidade laboratoriu atu halo teste, izolamentu no rekursu umanu. Espera ida ne’e sufisiente ona tanba ita mos labele obriga aan,” nia hateten.

Nia sujere ba governu atu maximiza sistema kontrolu iha fronteira terestre hodi evita transmisaun komunidade tanba kazu kuaze mai husi movimentu estranjeiru.

Iha oportunidade ne’e, nia kongratula governu no parseiru dezenvolvimentu sira ne’ebe fo apoia ona governu intermus finanseiru, tekniku no logistika hodi responde ba situasaun emergensia ida ne’e ho diak.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04