Domingo, Abril 21, 2024
Total visitors: 766366

Ministériu Solidaridade Sosiál no Inkluzaun (MSSI) rejista labarik vulnerável no difisiénsia hamutuk na’in 8,000 mak durante ne’e sai benefisiáriu ba programa bolsa da mãe.

Vise-Ministra MSSI, Signi Candrawati Verdial, hatete labarik vulnerável ho defisiénsia na’in 8,000 ne’e dadus mai husi Tmor laran tomak no governu apoiu sira liuhusi programa bolsa da mãe.

Vise-Ministra MSSI, Signi Candrawati Verdial, hatete labarik vulnerável ho defisiénsia na’in 8,000 ne’e dadus mai husi Tmor laran tomak no governu apoiu sira liuhusi programa bolsa da mãe.

“Labarik vunerável ho ema defisiénsia 8,000 ne’ebé mak rejistu durante ne’e governu apoiu subsídiu ba sira liuhusi programa bolsa da mãe ne’ebé mak implementa husi MSSI,” nia dehan.

Alende ne’e nia dehan, dadaun ne’e lei protesaun labarik iha ona, tanba ne’e servisu tékniku sira no ekipa sei reforsa implementasaun atu bele proteje labarik vulnerável no ema difisiénsia sira no benefisia sira husi programa bolsa da mãe no programa seluk tan.

“Ita sei nafatin esforsu atu bele tuun ba iha baze nune’e bele buka tuir labarik vulnerável nune’e mós defisiénsia sira-ne’ebé mak seidauk rejistu hodi asesu ba programa bolsa da mãe. Ita sei rekolla hotu nune’e bele inklina ba programa ida ne’e tanba sira merese atu hetan,” nia hatete.

Enkuantu subsídiu bolsa da mãe ne’e kada fulan estudante sira hetan $80 dolar hahú husi tinan tama ba eskola to’o tinan 17 anos liuhusi ne’e labele hetan ona.

Nia dehan, MSSI la servisu mesak maibé durante ne’e servisu hamutuk ho parte polísia liu-liu Unidade Polísia Vulnerável (VPU) hodi tau matan no proteje labarik vulnerável sira.

Entretantu, Komandante Polísia Munisípiu Díli, Superintendente Xefe Natercia Eufrazia Martins dehan, polísia liu-liu VPU durante ne’e sempre ho MSSI hodi tau matan ba labarik vulnerável.

“Dadus ba labarik vulnerável ami sempre apoiu sira, liuhusi rekolla dadus, depois sira mak sei fó asisténsia liuhusi komisaun protesaun labarik,” Komandante Martins dehan.

Nia dehan, polísia nafatin apoiu MSSI liu-liu kona-ba labarik vulnerável sira ne’ebé mak seidauk pertense iha programa bolsa da mãe nune’e, labarik hotu bele hetan subsídiu kada fulan.