Sexta, Março 01, 2024
Total visitors: 766366

Sekretariu Sekretairua Estadu Juvntude no Desportu (SEJD) haruka ona jogador Timorona nain rua (2) husi Sentru Treinamentu Futebol Juvinil Baucau ba treinu futeból iha Klube Ibiuna FC iha Brazíl.

Sekretariu Sekretairua Estadu Juvntude no Desportu (SEJD) haruka ona jogador Timorona nain rua (2) husi Sentru Treinamentu Futebol Juvinil Baucau ba treinu futeból iha Klube Ibiuna FC iha Brazíl.

SE SEJD Abrao Saldanha Nokosiko dehan, jogador Timorona nain 2 ne’ebé ba treinu iha Brazíl ne’e rekomendasaun direta husi Klube Ibiuna FC Barzíl nian, tanba tuir sira-nia observasaun sira-na’in-rua (2) nia jogu kapaas tebes.

“Tanba ne’e mak ita haruka jogadór Timoroan na’in-rua ne’e ba tuir treinu iha Klube Ibiuna FC iha Brazíl durante tinan ida nune’e bele hadia liutan sira-nia talentu iha futeból,” SEJD Nokosiko dehan.

Nia dehan, jogadór Timorona na’in 2 ne’e ho naran Ario Melio Ximenes no Roberto Olivio Costa. Kona-ba sira-nia vida durante tinan ida iha Brazíl ne’e responde direta husi Klube Ibiuna FC.

“Ita-nia parte mak sosa de’it tiket viajen husi Timor ba Brazíl no han hemu iha dalan hamutuk orsamentu $13,500,” nia informa.

Iha fatin hanesan, Jogadór Roberto Olivio Costa dehan, agardese tebes ba governu Timor-Leste tanba ne’e fó oportunidade atu sira bele ba hola parte iha Klube Ibuina FC atu sira bele treinu iha klube ne’e hodi hadia diak liu tan sira nia preformanse iha bola nian.

“Hau agradese tebes tanba oportunidade ida ne’e ema barak mak esforsu maibé la konsege hetan, tanba ne’e ha’u sei aproveita didi’ak oportunidade ne’e ho responsabilidade, to’o bainhira fila mai Timor,” nia hatete.

Nia dehan, jogadór hotu mehi atu hanesan sira na’in-rua maibé defisil entaun ba sira-ne’ebé hetan ona oportunidade nafatin mantein disipliña tanba lori nasaun nia naran mak ba treinu.

Entretantu jogadór Ario Melio Ximenes dehan, agradese ba governu Timor-Leste no Klube Ibiuna FC Brazíl tanba fó ona oportunidade atu bele ba treinu futeból hodi perepara ba futuru Timor-Leste nian iha desportu.

“Orguillu tebes ba servisu kooperasaun Sekretáriu Estadu Juventude no Desportu (SEJD) ho Klube Ibuina FC tanba ne’e fó fatin ba ami iha sira-nia klube,” nia informa iha SEJD.

Tanba ne’e nia promete bainhira to’o iha Brazíl sei hatudu komportamentu di’ak no foku ba treinu nune’e bele foti Timor-Leste nia laran iha ema nia nasaun.