Quarta, Janeiro 19, 2022
Total visitors: 600398

Iha ambitu selebrasaun loron mundial labarik feto ne’ebe monu iha loron 11 fulan Outubro tinan 2021, Reprejentante Grupo Labarik Feto Timor-Leste, Caludia Ximenes ejiji responsabilidade governu nian atu fo edukasaun literasia digital ba sosiedade, liu-liu labarik feto sira atu bele iha abilidade kritiku absorve informasaun sira iha plataforma media online.

Reprejentante Grupo Labarik Feto Timor-Leste, Caludia Ximenes ejiji responsabilidade governu nian atu fo edukasaun literasia digital ba sosiedade, liu-liu labarik feto sira atu bele iha abilidade kritiku absorve informasaun sira iha plataforma media online.

Nia salienta iha situasaun pandemia Covid-19 ne’e, obriga atividade hotu halao via online no iha priodu ida ne’e labarik feto barak mak hetan konsekuensia nagativu tanba asesu ba informasaun falsu no video inklui imajen ne’ebe hetan ona manipulasaun.

“Ami husu ba governu atu halao edukasaun ba sosiedade sira konaba literasia digital atu ema hotu prinsipalmente ami labarik feto sira bele identifika informasaun ne’ebe lolos no sai joven ne’ebe kritiku ba informasaun sira. No ezamina faktus molok sira hafe informasaun iha plataforma media sosial, ne’e maka etapa importante tebes,” nia hateten iha Salaun João Paulo II Comoro, Dili.

Nia dehan petisaun ne’e asina ona husi labarik feto hamutuk rihun 26 resin no husu entidade hotu ne’ebe konsidera asuntu ne’e importante atu fo apoia no suporta ba advokasia ida ne’e hodi asegura ema hotu asesu ba media online ne’ebe seguru no positivu ba dezenvolvimentu pesoal no nasaun nian.

Entretantu, Komisaria Komisaun Direitu Labarik (KDL), Dinorah Granadeiro hateten tinan rua liu ba sira hamutuk ho grupo labarik feto hato’o ona petisaun ba asuntu hanesan ba governu, maibe seidauk iha resposta ne’ebe diak.

“Ita halo edukasaun ba labarik sira atu konhese diak plataforma media online sira, nune’e sira uza ba asaun positivu. No ita mos halo hela advokasia ba governu atu regula informasaun sira ne’ebe proprio ba labarik no ida ne’ebe labele,” nia hateten.

Nia preokupa inan aman sira fasilita telemovel diak ba oan sira atu uza hodi asesu ba eskola, maibe lakontrola entau labarik barak uza sala media online tanba ne’e presiza duni sensbiliza inan aman, sosiedade atu apoia labarik sira utiliza media online ba sira nia dezenvolvimentu pesoal no abilidade.

Iha parte seluk, Membru Parlamentu, Deputada Elvina Sousa hateten governu halo ona esforsu lubun ida atu regulariza uzu internet iha rai laran, maibe presiza intensifika no prioritiza asaun sira hodi protese no asegura labarik sira iha asesu ba media online ne’ebe seguru ba dezenvolvimentu pesoal.

“Agora parlamentu nasional iha ona diskusaun espesialidade lei protesaun ba labarik, ne’ebe iha laran kobre mos asuntu sira ligadu ba asuntu informasaun, maibe ida ne’e deit sei lato’o presiza konsensia no suporta husi entidade no inan aman sira,” nia hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04