Terça, Agosto 03, 2021

Sekretariu Estadu Arte no Kultura (SEAK) apoiu ona orsamentu $128.000 hodi halo konservasaun ba uma lulik 42 no dezenvolve grupu kultura husi munsipiu 13 iha Timor-Leste.

Sekretariu Estadu Arte no Kultura (SEAK) apoiu ona orsamentu $128.000 hodi halo konservasaun ba uma lulik 42 no dezenvolve grupu kultura husi munsipiu 13 iha Timor-Leste.

SEAK Teofilo Caldas hateten, orsamentu ne’e hodi implementa politika VIII governu nian konaba politika prezervasaun patrimoniu kultural, tanbA uma lulik sai hanesan muzeu tradisional hodi halibur komunidade no autoridade nune’e mos sai sentru kultural hodi halibur jerasaun foun sira.

“Liu husi politika ida ne’e SEAK apoiu ona orsamentu hamutuk $128.000 hodi halo konservasaun ba uma lulik hamutuk 42 no mos dezenvolve grupu kultura husi munisipiu 13 iha Timor,” SEAK Caldas hateten.

Nia dehan, apoiu orsamentu $128.000 ne’e ba etapa primeiru nian, tuir mai sei kuntinua apoiu tan ba uma lulik sira ne’ebe mak oras ne’e dadaun ekipa sei identika hela iha munisipiu sira.

“Uma lulik sira ne’e ita tenke tau osan hodi halo konservasaun tanba uma lulik sai hanesan identidade Timor nian nune’e mos sai hanesan fatin turismu kultural, hodi atrai turista sira para bele vizita no kuntribui ba diversidade ekonomia,” nia salienta.

Alende ne’e nia dehan, uma lulik mos fo kuntribuisaun ba edukasaun kuandu labarik sira remata estudu iha sekundaria bainhira atu kuntinua iha nivel ensinu superior tantu iha rai liur ka rai laran sempre ba simu uluk matak malirin.

Iha parte seluk, Diretor Ezekutivu FONTIL Daniel Santos hateten, uma lulik rai hanesan identidade Timor nian, tanba ne’e governu iha kompetensia tomak hodi tau osan hodi halo konservasaun kada tinan hodi hatudu ba jerasaun foun sira, sela’e sira nei-neik ba bei-beik sira bele haluhan identidade Timor nian.

“Ita husu iha politika konservasaun ne’e tenke inklina mos jerasaun foun sira nune’e sira bele hatene klean diak liu tan ba identidade lolos Timor nian, tanba ita fiar katak jerasaun foun balun la hatene lolos konaba kultura ka identidade Timor nian,” Diretor FONTIL Santos hateten.

Nia dehan, iha parte seluk uma lulik mos bele kuntribui reseitas ba kofre estadu tanba uma lulik sai hanesan fatin turismu kultura, tanba ne’e governu tenke investe hodi dezenvolve nune’e visitor sira bele vizita.

Alende ne’e husu mos ba governu tenke buka no identifika uma lulik sira ne’ebe mak uluk militar Inonesia sira sunu durante 24 anus okupasaun Timor-Leste.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04