Domingo, Junho 20, 2021
Total visitors: 566016

Komandu Polisia Nasional Timor-Leste (PNTL) halo ona prosesu ba joven nain sanulu (10) ne’ebe mak involve iha kazu tuda kareta ambulansia ne’ebe mak hala’o nia knar ligadu ho Covid-19 durante ne’e.

Portavoz PNTL, Superientendente Xefe Arnaldo de Araujo hateten, kazu tuda kareta ambulansia ne’e akontese iha munisipiu Ainaru no munisipiu Viqueque iha postu Uatukarbau no Watulari.

Portavoz PNTL, Superientendente Xefe Arnaldo de Araujo hateten, kazu tuda kareta ambulansia ne’e akontese iha munisipiu Ainaru no munisipiu Viqueque iha postu Uatukarbau no Watulari.

“Joven nain 10 ne’e involve iha kazu tuka kareta ambulansia bainhira ekipa mediku sira halo sira nia servisu hodi ba foti pasiente balun iha area refere,” Portavoz PNTL Araujo hatete iha Komandu Jeral Dili.

Nia dehan, joven hirak ne’e polisia halo ona identifikasaun no submete ona ba sela detensaun durante 72 oras hodi aprezenta ba ministeriu publiku tanba sira nain mak prosesu.

“Joven nain 10 ne’e identifika iha area ne’ebe mak sira tuda ambulansia hanesan Ainaru no Viqueque Uatukarbaun no Watulari no ita halo ona prosesu ba sira nune’e bele responsabilidade ba aktu krime ne’ebe sira halo,” nia dehan.

Nia dehan, aktu ne’ebe mak joven nain 10 halo ne’e krimi tanba estraga patrimoniu estadu nian no halo intervensaun ba servisu mediku nian.

Enkuantu nia dehan, kazu ne’e akontese foin lalais iha fulan Maio no Abril ne’e maibe servisu investigasaun no intelegensia sira foin identifika lolos suspeitu ba kazu tuda ambulansia sira ne’e hodi submete ba prosesu.

Entretantu, Diretor Ezekutivu Fundasaun Mahein (FM), Joao Almedia, hateten hahalok ne’ebe mak joventude nain 10 halo hodi rezulta ambulance rahun ne’e krimi.

“Joven sira hanesan ne’e tenke prosesu lei tanba, ema sira hanesan ne’e mak la kontribui ba prevensaun Covid-19 iha Timor,” FM Almedia hateten.

Nia dehan, atu labele akontese kazu sira hanesan ne’e bainhira ekipa saude no covid atu ba foti pasiente ruma ne’ebe identifika ona pozitivu tenke kontaktu polisia nune’e bele fo seguransa selae sei akontese nafatin.

“Ami mos husu ba ekipa saude no polisia karik bele ema sira ne’ebe identifka pozitivu ne’e labele lori kalan mak ba tula tenke loron, tanba komunidade mos la satisfas ho maneira ida ne’e mak sira halo asaun hasoru,” nia salienta.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04