Sábado, Março 06, 2021
Total visitors: 551764

Diretora Jeral Prestasaun Servisu Saúde, Iha ministerio da Saúde, Doutora Odete da Silva Viegas hateten rezultado final peskiza ai-han no nutrisaun tinan 2020, hatudu malnutrisaun kronika ou raes badak registu a’as iha munisipio Ermera ho 63.4%, no munisipio Ainaro 60.3%, no Rejiaun Espesial Oecusse-Ambeno (RAEOA) 57.1%.

Diretora Jeral Prestasaun Servisu Saúde, Iha ministerio da Saúde, Doutora Odete da Silva Viegas hateten rezultado final peskiza ai-han no nutrisaun tinan 2020, hatudu malnutrisaun kronika ou raes badak registu a’as iha munisipio Ermera ho 63.4%, no munisipio Ainaro 60.3%, no Rejiaun Espesial Oecusse-Ambeno (RAEOA) 57.1%.

Nia salienta malnutrisaun ne’e komplikadu tanba iha fator barak ne’ebe kontribui hanesan produsaun aihan, edukasaun, atendimentu saúde, bee no saneamentu.

“Nutrisaun ne’ebe diak fator determinante ida maka edukasaun ne’ebe husi duni familia, no kondisaun familia nian tanba ita hare ba asesibilidade ba aihan ne’ebe diak depende mos ba ekonomia,” nia hateten iha Hotel City 8 Manleuana, Dili.

Nia dehan peskiza ne’e bolu atensaun mos ba governu, liu-liu ministerio relevante sira no parseiru dezenvolvimentu sira atu halo esforsu makas hodi fo edukasaun ba komunidade sira atu providensia nutrisaun ne’ebe diak ba familia.

Nia hatutan sira sei fo prirodade ba munisipio sira ne’ebe registu kazu malnutrisaun a’as atu halo intervensaun hanesan edukasaun promosaun saúde, no distribuisaun suplementu nutriente ba inan isin rua sira no labarik tinan lima mai kraik.

Iha parte seluk, Diretor Servisu Saúde Munisipio Ermera, Antonio de deus Fatima rekonese taxa malnutrisaun a’as tanba komunidade menus konhesimentu ne’ebe diak kona ba preparasaun aihan ne’ebe nutriete ba familia.

Nia dehan edukasaun no promosaun saúde kona ba nutrisaun halao beibeik ona, maibe atu muda ema nia hahalok presiza tempu.

“Ami halo hela esforsu lubun ida, liu-liu atu prepara hahan ne’ebe diak ba inan isin rua no bebe sira, ne’e ita halo hela. Maibe nivel komprensaun komunidade no inan isin rua sira iha area rural sei menus konhesimentu diak atu prepara hahan diak ba inan isin rua no labarik sira,” nia rekonhese.

Nia dehan iha fator barak ne’ebe kontribui taxa malnutrisaun a’as iha munisipio Ermera hanesan numeru populasaun ne’ebe bo’ot, rendimentu familia nian, no nivel konhesimentu ne’ebe sei menus.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04