Terça, Março 02, 2021
Total visitors: 550987

Xefe Peskijador Fundasaun Mahein (FM), Sancio Xavier hateten, polisia PNTL presija tau atensaun ba minoridade sira ne’ebe mak utiliza transporte hanesan kareta no motor halo movimento iha dalan publiku tanbe ne’e rsiku ba sira nia vida no mos ema seluk nian.

Xefe Peskijador Fundasaun Mahein (FM), Sancio Xavier hateten, polisia PNTL presija tau atensaun ba minoridade sira ne’ebe mak utiliza transporte hanesan kareta no motor halo movimento iha dalan publiku tanbe ne’e rsiku ba sira nia vida no mos ema seluk nian.

Nia kestiona, labarik minoridade utiliza transporte iha dalan publiku mos barak ona, no polisia nia kontrolasaun ba ida ne’e oinsa.

“Iha lei ema ne’ebe mak bele utiliza kareta no motor iha dalan publiku autoriza husi idade 18 anos ba leten no tenke kompleta dokumento sira, maibe realidade ne’ebe ita hare laiha, utilizasaun kareta motor iha dalan publiku ne’e minoridade barak,” Peskijador FM Xavier hateten.

Tanba ne’e, nia dehan PNTL tenke tau atensaun, tanba sira utiliza kareta no motor iha dalan publiku ne’e fo mos risku ba ema seluk nian vida nune’e mos sira nia an rasik.

“Ita hare dalan barak sempre akontese asidente husi labarik minoridade sira no ema seluk mos lakon vida tanba sira nia hahalok,” nia informa.

Tanba ne’e nia dehan, atu kontrola movimento minoridade iha dalan publiku ne’e presija haforsa vizibilidade polisia iha dalan publiku laos deklara deit maibe prezensa polisia importante.

Entretanto, Komandante Polisia Munisipio Dili Superientendente Xefe Henrique da Costa hateten, labarik minoridade husi tinan 17 tun mai polisia la autoriza kondus kareta no motor iha dalan publiku tanba lei la fo dalan, tanba ne’e polisia sempre halo intervensaun.

“Labarik minoridade ne’ebe mak la kumpri regras hodi kondus kareta no motor ida dalan publiku, polisia halo prensaun ba sira nia viatura depois aplika multa ba inan aman,” Komandante Costa dehan.

Tanba ne’e nia dehan, operasaun cek point ne’ebe mak polisia halo iha Dili laran prende motor hamutuk 64 ne’ebe utiliza husi labarik minoridade.

“Ita halo prensaun depois ita aplika multa $45 ba inan aman selu iha banko depois mai foti fali sira nia viatura,” nia informa.

Tanba ne’e husu ba inan aman sira labele autoriza labarik minoridade sira utiliza motor ho kareta, bainhira idade to’o ona mak bele fo, atu nune’e sira rasik mak bele hatan ba hahalok krime ne’ebe mak sira halo.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04