Quarta, Outubro 28, 2020
Total visitors: 530672

Tuir Diretor Nasional Associativismo Joventude (DNAJ), iha Sekretário Estadu Joventude no Desportu (SEJD), Marcos da Costa, hateten fulan outobro to’o dezembro 2020, DNAJ prepara hela programa apoiu inisiativas ba sentru no grupu joventude sira.

Diretor Nasional Associativismo Joventude (DNAJ), iha Sekretário Estadu Joventude no Desportu (SEJD), Marcos da Costa, hateten fulan outobro to’o dezembro 2020, DNAJ prepara hela programa apoiu inisiativas ba sentru no grupu joventude sira.

“Apoiu inisiativu ne’e liu husi fundu operasional ho osan montante $200.000 resin. Nia objektivu husi apoiu insiativu ne’e atu fasilita ba sentru joventude, no organizasaun joventude sira ne’ebé parseria ho SEJD hodi halo programa oi-oin hodi kapasita sira nia skill,” nia salienta.

Nia hatutan tan katak, SEJD apoiu sentru joventude 14 no organizasaun 6 atu sira bele halo aktividade rural iha munisipiu sira ba juventude sira.

“Programa mak iha area kapasitasaun lian Ingles, Português, Korea, Japones, edukasaun sivika no programa baibain. Programa sustentabilidade ba hortikultura, pekuariu ho akuakultura. Programa sira ne’e, ami bolu jovens motivadór hakarak dezenvolve sira nia ekonomia iha baze hodi sustenta sira familia e kontribui mós ba dezenvolvimentu nasional,” haktuir nia.

Entretantu, Presidente Consello Nasional Joventude Timor-Leste (CNJTL), Maria Dadi Soares Magno, katak politika apoiu inisiativa refere ne’ebé DNAJ-SEFOPE halo ne’e hahu kedas sestu governu ate agora.

“Ami mós observasaun geral ne’e katak iha gropu balu ladun sucessu, no balu sucessu,” nia hatutan.

Nia haktuir tan katak durante CNJTL nia observasaun, governu fo apoiu ba gropu jovens sira ne’ebé mak iha inisiativa atu kria emprendorismu atu bele kria netik servisu inklui hakiak animal, hortikultura, no seluk tan.

Joventude Agustinho Pinto, hatete katak politika ne’ebé estadu ka governu liu husi SEFOPE implementa iha impaktu diak inklui bele halakon joventude dezemprego iha rai laran, e nune’e mós bele reduz kiak.

“Politika governu nian diak ona, maibe oinsa governu nia kontrolasaun ba aktividade sira ne’e. Ami husu ba governu kontinua halo kontrolasaun ba gropu ka sentru sira ne’ebé existe ona ne’e atu nune’e bele existe nafatin. Laos kria tia gropu ka sentru ruma simu tia osan estadu nian aktividade lalao, ida ne’e mak presisa governu tau atensaun,” tenik nia.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04