Quarta, Outubro 28, 2020
Total visitors: 530672

Sindikatu Jeral do Traballu Timor-Leste (SJT-TL) nia kalkulasaun iha tinan ida ne’e 2020 numero dezemprego iha Timor-Leste sa’e ona ba 20% resin.

Sekretaríio Jeral SJT-TL, Almerio Vila-Nova informa numero dezemprego aumenta tanba forsa laboral ne’ebé mak tinan tinan tama merkadu trabalho nain 19,000.

Sekretaríio Jeral SJT-TL, Almerio Vila-Nova informa numero dezemprego aumenta tanba forsa laboral ne’ebé mak tinan tinan tama merkadu trabalho nain 19,000.

“Tta nia numero dezemprego ne’e kada tinan aumenta e to’o situasaun ida ne’e, tuir governu ninia peskiza hatete katak numero dezemprego 16%. Ami sindikatu hatete katak ita nia numero dezemprego bele iha 20% resin bele to’o 21% ou 22%,” nia dehan.

Nia kritika governu nia politika subsidiu 60% no konsidera saugati deit tanba governu hasai ona bara-barak hodi investe ba setor privadu hodi prevene impaktu husi hapara servisu durante surtu COVID-19, maibe husi parte empregadór sira kontinua hapara nafatin traballadór sira maske hetan apoiu ona subsidiu husi governu.

“Ne’ebé ita numero dezemprego ne’e aumenta makaas ba bebeik tanba ema lakon ona servisu. Ida ne’e aumenta tan ita nia dezemprego iha rai laran. Ita hare’e katak ita nia joventude barak mak fila husi nasaun Korea, Australia, Inglatera. Depois negosiu mikro sira ita nia komunidade sira hala’o ona, barak mak taka tanba ladun hetan rendimentu diak iha periodu pandemia COVID-19 ne’e. Entau ita bele konsidera sira hanesan dezemprego,” nia salienta.

Entretantu, Xefe Departementu Dialogo Social no Edukasaun Laboral, Francisco Tilman hateten tinan 2020 ida ne’e SEFOPE liuhusi diresaun dialogo social no edukasaun laboral la halo sosializasaun lei do traballu ba empregario ho traballadór tanba situasaun osamentu ho pandemia COVID-19.

“Ami nia diresaun mak faz parte disputa laboral. Hau hanoin diresaun ida ne’e durante ne’e liu-liu ita koalia 2020 ita hala’o ita nia knaar prevensaun disputas liuhusi meus sosializasaun dor-to-dor. Lor-loron lao hela ho seminariu hodi resolve menus kazu, maibe maioria lao deit iha Dili, munisipio seluk seidauk tanba ita sei hasoru hela osamentu,” tenik nia.

Nia hatete katak traballadór agora barak mak sai tanba impaktu negativu ekonomia.

“Ekonomia ita hatene ona se wanhira income [rendimentu] laiha, sira tenkeser reduz. Kestaun ami agora loro-loron hasoru disputa laboral tanba ita kuandu koalia lei traballo direitu traballador, kuandu ami tekniku sira tun ema dehan ami orsamentu mak laiha. Agora dadauk ne’e ami tekniku esforsu oinsa emprezario iha direitu bele hasai mais mak ne’e tenkiser kopera ho lei do traballo,” nia dehan.

Entretantu, joventude Leonito de Jesus hatutan katak, nasaun Timor-Leste durante ne’e lao ho orsamentu duodesimu tinan tolu liu ona ne’ebé fo impaktu ba ekonomia rai laran e nune’e mós aktividade hotu-hotu la la’o tanba orsamentu ladun sirkula ba iha baze depois mosu tan surtu global COVID-19.

“Hau hanoin numero ne’ebé sindikatu [SJT-TK] fo sai ne’e lo’os tanba durante ne’e kompanhia barak mak hasai ona nia traballadór, no balu reduz traballadór sira husi nia servisu fatin tanba laiha orsamentu hodi selu sira,” nia salienta.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04