Segunda, Outubro 26, 2020
Total visitors: 530117

Comissaun Nasional das Elisões (CNE) organiza nia funsionariu sira iha Timor laran tomak hodi halo edukasaun civika ba eleitor sira liu-liu estudante sira.

Presidente CNE, Alcino Barris, hateten CNE halo edukasaun civika ba eleitor sira ne’ebé ho idade 16 anos besik ona tama 17 anos la kleur tan sei partisipa iha prosesu eleitoral hodi vota.

Tuir Presidente CNE, Alcino Barris, hateten CNE halo edukasaun civika ba eleitor sira ne’ebé ho idade 16 anos besik ona tama 17 anos la kleur tan sei partisipa iha prosesu eleitoral hodi vota.

“Ami hahu halo edukasaun civika ba eleitor sira liuhusi estudante, estudante sira ne’ebé mak 16 anos para atu ba 17 anos la kleur tan sira tuir vota. Ami koko ona iha eskola lubuk boot ida iha munisipiu hotu, e populasaun sira mós mai partisipa hotu. Tenke esplika ba para sira bele komprende diak liu tanba ita nia sistema eleitoral ne’e laos obrigatóriu vota, so registu mak obrigatóriu maibe vota la obrigatóriu,” nia esplika.

Tan ne’e mak CNE halo edukasaun civika ho materia konaba aktus eleitoral hahu kedas lei re-sensiamentu Lei No 6/2016, lei konaba elisaun parlamentar No 9/2017, lei konaba suku nian No 9/2016, lei konaba partidu politiku No 2/2016, no kodigu penal ne’ebé koalia konaba aktus kriminal sira, no hare konaba dekretu do governu nian.

“Tanba ne’e mak edukasaun civika xave ida motiva nafatin eleitor sira para bele partisipa aktus eleitoral komesa husi resensiamentu to’o banhira nia ba vota. Nia tenke komprende e nia tenke hatudu sidadania ida ne’ebé diak ne’ebé koperativu. Nia hola parte iha prosesu demokrasia nia laran, tanba ne’e CNE hakbesik a’an bebeik e motiva nafatin ba eleitor sira,” dehan nia.

Entretanto, Delegado CNE Munisipiu Viqueque Honorio Cruz da Silva, esplika tan katak CNE iha munisipiu Viqueque halo ona edukasaun civika iha postu admistrativu rua Uato-Lari ho Uato-Carbau depois kontinua ba postu sira seluk.

“Edukasaun civika ne’e importante ne’ebé ita foti duni albun prinsipal mak ita nia estudante sira e sira ne’e ita identifika hanesan ita nia albun potensial, atu nune’e ita iha esperansa ida ba sira katak sira sei hola parte ativamenta iha prosesu elisaun ne’e rasik. Iha munisipiu Viqueque ita implementa ona aktividade edukasaun civika ba dala rua iha Ensino Sekundaria Geral Darloi, Uato-Lari, ho Ensino Sekundaria Geral Uato-Carbau,” nia salienta.

Nia esplika tan, edukasaun civika ne’e husi numero partisipasaun ne’ebé iha tuir kriteria tarjeitu ne’e 100 pessoas maibe de faktu partisipante ne’e to’o 150 resin no ida ne’e positivu tebes ba aktividade ne’e rasik.

“Ita fiar katak sira hanesan eleitor potensial ita presisa fo informasaun ida ke adekuadu ba sira. Ita nia espetativa ba oin para oinsa promove diak liu tan valores demokrasia iha ita nia komunidade nia leet liu-liu iha ita nia estudante sira hanesan eleitor novisu no eleitor potensial,” dehan nia.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04