Quarta, Outubro 28, 2020
Total visitors: 530672

Sekretário Estado Formasaun Professiónal no Emprego (SEFOPE), Alarico do Rosario husu ba jovens sira hotu prepara a’an didiak hodi kompete iha mercado do traballu iha rai laran nomós iha rai liur.

Sekretário Estado Formasaun Professiónal no Emprego (SEFOPE), Alarico do Rosario husu ba jovens sira hotu prepara a’an didiak hodi kompete iha mercado do traballu iha rai laran nomós iha rai liur.

“Hau husu ba jovens sira Timor laran tomak tenki prepara a’an. Hadia ita nia a’an, ita nia skill, kuidadu ita nia fisik, ita nia saude, hodi kompete merkadu e kualker saida deit,” nia salienta.

Nia hatutan, SEFOPE pronto buka servisu iha rai liur hodi fasilita joventude sira maibe nia dehan mós katak jovens sira mós tenki prepara a’an didiak.

“SEFOPE bele buka merkado iha rai liur maibe imi la prepara a’an kuitadu. Ne’ebé hau husu ba joventude Timor laran tomak, ita hotu-hotu prepara a’an tanba ita rasik se kuidadu ita nia a’an, ita nia moris ne’e iha ita nia liman rasik. Ita mak deside rasik ita nia moris,” SE Rosario subliña.

Iha sorin seluk Joventude Sebastião Duarte Pinto, haktuir katak governu husu joventude sira prepara a’an agora jovens sira preparadu hotu tanba tuir formasaun iha sentru sira, balun graduadu iha nivel universidade maibe halimar deit tanba kampu traballo laiha.

“Governu la bele husu jovens sira prepara a’an. Ami preparadu ona tanba kada tinan joventude sira ne’ebé akaba iha nivel sekundaria la kontinua iha nivel universidade ba tuir formasaun iha sentru sira, atus ba leten, no sira ne’ebé graduadu ona iha nivel universidade rihun liman ba leten hotu, maibe oinsa politika governu nian atu kria kampu traballo atu nune’e uza ita nia rekursu sira ne’e,” nia salienta.

Juventude ne’e dehan governu la bele tuir tur fatin mak hatete jovens sira tenki prepara a’an, tanba kampu traballo laiha.

“Tuir loloos governu kria ona kampu traballo iha rai laran para kombate taxa dezemprego iha rai laran,” dehan nia.

Entretanto, Dosente husi Instituto Siensia Cristal (ISC), Filipe Xavier esplika katak joven sira preparadu hotu ona maibe oinsa governu fo konfiansa ba ema sira ne’e.

“Governu husu jovens sira prepara a’an, ne’e hau hanoin ema hotu ben preparadu. Agora ben preparadu ne’e, ita koalia konaba preparasaun esensial iha deit buat rua, ida mak edukasaun formal, no ida mak edukasaun naun formal. Maibe sira husu ema prepara a’an. Ema prepara a’an ona maibe oinsa governu fo kunfiansa ba nia ema ne’e rasik para halo teste ida dehan katak sira bele galae,” nia dehan.

Iha parte seluk Xefe Suco Caicoli, Hipolito Marques Sarmento, hatete autoridade lokal durante ne’e nia joventude suco laran barak mak tuir ona formasaun ka kursu iha sentru formasaun sira maibe kampu traballu mak laiha.

“Ami joventude sira barak mak tuir formasaun kursu balu iha sentru Tibar, sentru Senait Becora, Korea Becora, no seluk tan,” nia salienta.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04