Pagamentu THT ba eis funsiunariu Indonezia II faze, Ekipa tekniku halo hela negosiasaun ho Indonezia

Sekretariu Estadu Formasaun Profesional e Empregu (SEFOPE), Bendito Freitas hateten , pagamentuTunjangan Hari Tua (THT) ba eis funsionario Indonezia ba II faze nian, horas ne’e dadauk sei iha prosesu nia laran tanba ekipa tekniku husi sekretariu estadu nian ,iha Fevereiru desloka ona iha Bali no Jakarta kontinua negosiasaun.

“Ita agora negosiasaun kontinua maibe klaru katak sira ne’ebe seidaukhetan sir anis direitu sei kontinua nafatin,” hateten SE. bendio freitas,semana kotuk iha Balide, Dili.

Tuir nia, iha eis funsiunariu barak mak seidauk simu sira nia direitu e sira ne’e sei simu, maske seidauk determina tempu tanba sei hein rezultadu negosiasaun.
“Ita hein katak iha segunda faze sira mós bele hetan ona sira nia direitus,”nia esperansa.
Entretantu deputadu Eduardo Barreto, hateten eis funsionariu sira iha direitu atu simu sira nia direitu tamba uluk sira servisu osan ne’ebé mak sira manan balun sei rai hela iha banku.
“Indonezia tenke rekonese nia eis funsiunariu sira e sira tenke selu tanba ne’e sira nia osan duni,”nia dehan.
Alende ne’e deputado Bankada Fretilin Antonino hateten, pagamentu ba eis funsionario Indonesia ne’e subsidiu mai husi Estadu Indonesia nian tamba uluk eis funsionario Indonesia ,sira srevisu hamutuk ho Indonesia sira nia osan ful-fulan simu kua pursentu.
“THT ne’e ema Indonesia ne’e orsamentu uluk funsionario sira simu ninia osan fula fulan simu pursentu balun ne’e mak tau hela ba Tunjangan Hari Tua,” hateten Antonino.
Tuir na, ida ne’e la’os Indonezia mak selu maibe eis funsiunariu sira nia osan, tanba ne’e tene selu,” nia katak.