- Publika iha: 10 Novembro 2011
Vise Prezidente Komisaun H, ne’ebe mak trata asuntu Juventude, Desportus e Formasaun Professional, Eduardo Barreto, hateten katak Lei Kodigu Laboral debate hotu ona no hein deit atu submete mai iha Parlamenu Nasional atu hetan aprovasaun global final.
“Komisaun H halo nia knar hotu ona hein deit diskusaun Orsamentu Jeral hotu. Ami hatama mai iha plenaria atu aprova nia final global,” hateten Vise Prezidenti Komisaun H, Deputadu Bareto, iha Parlamentu Nasional, Dili, semana kotuk (20/10). “Orsamentu jeral hotu ami hatama iha plenaria depois aprova iha final Global, haruka ba Prezidenti [Parlamentp], depois Prezidenti enkamina ba Prejidenti da Republika hodi hetan promulgasaun,” haktuir Deputadu Barreto.
Nia esplika katak Lei Kodigu Laboral ne’e atu regula direitu trabalhadores no empregador sira wainhira empregador uza trabalhador iha ida idak nia knar fatin.
Entertantu Deputadu Manuel Tilman hateten katak Lei Kodigu Laboral tuir lolos aprova tiha ona tinan ida tiha ona maibe seidauk tanba atraza husi Komisaun H.
“Komisaun ida Deputadu Antonio Cardojo kaer ne’e mak, sira dehan katak ami bele aprova, nebe Prezidenti Parlamentu haruka lei ne’e ba sira maibe to’o ohin loron lei ne’e la mai.”