Quinta, Junho 13, 2024
Total visitors: 766366

Diretór Departamentu Comunicação Sociais (DCS), iha Universidade Nacional Timor Lorosa'e (UNTL), Profesor Roberto da Costa Pacheco hateten, Long March ba liberdade imprensa iha Timor-Leste, husi kampus Kaikoli to’o semitériu Santa Cruz, tanba semitériu refere sai henesan mós fatin istóriku ba liberdade expresaun no imprensa Timor-Leste nian.

Long March ba liberdade imprensa iha Timor-Leste, husi kampus Kaikoli to’o semitériu Santa Cruz, tanba semitériu refere sai henesan mós fatin istóriku ba liberdade expresaun no imprensa Timor-Leste nian.

"Ami hili Semitériu Santa Cruz hanesan ami-nia fatin destinasaun husi Long March ninian tanba, iha Santa Cruz akontesimentu buat barak kontribui ba ita-nia liberdade iha Timor-Leste.

Atividade ohin ne’e realiza hodi komemora Loron Mundiál Liberdade Imprensa, tanba ne'e mak ami deside, ami la halo buat boot ida, maibé ami deside katak diak liu halo omenajen ba Max Stal ninian," nia dehan iha Semitériu Santa Cruz, Díli hafoin akompaña dosente no estudante hala’o Long March hodi komemora Loron Liberdade Imprensa ne’ebé hala’o iha 3 Maiu.

Nia hatutan, liuhusi filme ne'ebé mak jurnalista Max Stahl halo mak kontribui ba Timor-Leste konsegue hetan liberdade, No. Max Stahl mós hanesan parte ida husi Timor-Leste nia luta ba libertasaun nomós liberdade imprensa.

Nia salienta, atividade ne'e realiza husi estudante sira husi DCS nomós dosente sira hodi komemora loron liberdade imprensa, nune’e bele hanoin hikas didikasaun jornalista sira-nian ba luta no restaurasaun independénsia iha Timor-Leste nian.

Iha parte seluk estudante Comunicação Social, Abrão do Rosario Soares hateten Long March husi kampus FCS to’o semitériu Santa Cruz ne'e hodi selebra loron liberdade imprensa, tanba ne'e estudante no dosente sira realiza atividade ida ne'e ida ne'e hodi hanoin hikas servisu jornalista iha mundu liuliu iha Timor-Leste.

"Atividade Long March ida ne'e mos oinsa atu fó omenajen maluk eroi jornalista sira ne'ebé fo sira nia tempu tomak, maske sira la’ós ran Timor nain maibé sira husi estranjeru, tanba ne’e ami mai sunu lilin iha Max Stahl nia rate. Nu’udar jornalista ne’ebé dedika ona ba Timor-Leste nia luta, inklui jornalista barak mak mate, tan deit sira interese ba ita-nia nasaun, luta no kontribui mos ba ukun rasik an Timor- Leste nian," nia dehan iha Kampus FCS, iha Kaikoli, Díli.