Quinta, Junho 01, 2023
Total visitors: 754002

Polísia Tránzitu Munisípiu Díli no Diresaun Nasional Transporte Terestre (DNTT) bazeia ba diploma ministeriál artigu 8 pontu 4 katak la autoriza uza reben metan ba transporte públiku inklui Mikrolete, Taxi, no Bus hodi halo movimentu tula pasajeiru sira.

Komandante Tránzitu Díli, Inspetór Xefe Domingos Sarmento Gama, dehan bazeia ba diploma ministeriál ne’ebé iha, ekipa konjunta entre Polísia Tránzitu Munisípiu Díli no DNTT halo operasaun hodi prende transporte públiku ne’ebé mak uza reben metan hamutuk 50.

Komandante Tránzitu Díli, Inspetór Xefe Domingos Sarmento Gama, dehan bazeia ba diploma ministeriál ne’ebé iha, ekipa konjunta entre Polísia Tránzitu Munisípiu Díli no DNTT halo operasaun hodi prende transporte públiku ne’ebé mak uza reben metan hamutuk 50.

“Ita la autoriza transporte públiku hanesan Taxi, Mikrolete no Bus kota uza reben metan, hodi halo movimentu iha kapitál Díli nune’e mós munisípiu sira,” nia hatete.

Nia dehan, transporte públiku ne’e labele uza reben metan tanba banhira tula pasajeiru sira mós presiza kontatu ho ema iha liur hakete rai nune’e halo antisipasaun karik akontese kazu ruma iha kareta laran.

“Ita prende ona transporte públiku 50 ne’e kompostu husi Taxi, Mikrolete no Biskota dadaun ne’e ita aplika multa no asegura ona iha komandu polísia munisípiu Díli,” Komandante Tránzitu Díli Inspetór Xefe Gama dehan.

Nia dehan, ba karreta reben metan sira aplika multa $75 selu iha banku mak bele foti fali karreta nune’e mos dokumentu sira ne’ebé mak polísia asegura hela.

“Husu ba kondutór transporte públiku sira tenke obdese ba lei,” nia hatete iha Terminal Bekora, iha kapital Dili.

Iha fatin hanesan, Xefe Departamentu Tráfiku Terminais, DNTT, Abel da Conceição husu ba kondutór sira kumpri lei nune’e labele komete infrasaun, kuidadu osan ne’ebé mak hetan husi profisaun kondutór ne’e.

“Ha’u husu atu labele komete infrasaun no kuidadu imi-nia osan, tanba osan mak imi servisu se osan iha karik imi sei la servisu hanesan ne’e,” nia dehan.

Iha parte seluk Kondutór Bus Díli-Baucau, Salvador do Rosario Pindo dehan, loos duni katak la autoriza transporte públiku sira atu reben metan, polísia tenke prende, maibé husu atu aplika ba ema hotu la’ós ema balun de’it.

“Bainhira karreta hirak ne’e tama hotu iha LAJER halo kir/inspesaun hotu karik karreta reben ne’e sei la akontese, maibé balun mak ba kir balun selu osan de’it tanba ne’e mak akontese karreta reben metan ne’e,” nia dehan.

Nia dehan, banhira polísia no DNTT kontrola halo didiak kareta hotu tama LAJER ne’e tempu to’o atu kir ne’e reben sei la iha tan.