Quinta, Dezembro 08, 2022
Total visitors: 692025

Diretóra Devizaun Dezenvolvimentu Institusional no Rekursu Umanu, iha Centro Nacional Chega! Institutu Públiku (CNC, IP), Maria Arminda hateten tinan ne’e 2022, sira hahú rekolla reseitas no konsege kontribui ona ho montante $3,000 resin ba kofre estadu.

Diretóra Devizaun Dezenvolvimentu Institusional no Rekursu Umanu, iha Centro Nacional Chega! Institutu Públiku (CNC, IP), Maria Arminda hateten tinan ne’e 2022, sira hahú rekolla reseitas no konsege kontribui ona ho montante $3,000 resin ba kofre estadu.

Nia salienta, dekretu lei númeru 48/2016, fó dalan ba CNC atu dezenvolve fonte reseita no rekolla reseita rasik tanba ne’e iha tinan 2022, sira hahú rekolla reseita husi atividade sira.

“Tinan ida ne’e ita hahú implementa ita-nia programa reseitas. Ita rekolla ona reseitas hamutuk $3,000 resin no ita deposita ba kofre estadu, ne’e servisu entre CNC no Ministériu Finansas atu bele haree kona-ba reseita ne’ebé ita hetan husi institusaun públika ida ne’e,” nia hateten iha Balide, Díli.

Nia dehan sira foin iha fonte reseita tolu mak atividade Chega! Tour, shop no gallery no atendimentu rentál ou rental services.

Nia hateten chega! Tour ne’e fó pakote ba vizitór sira hili destinasaun sítiu turístiku ne’ebé sira hakarak vizita iha Díli laran, vizita úniku mai prizaun antigu CNC, sira tenke selu. Fonte shop no gallery fahe produtu sira hanesan livru no hanoin sosa produtu sobrevivente sira-nian atu iha shop hodi tulun mós sira-nia ekonomia no oferese mós salaun, kadeira, meja no lona ba ema atu aluga.

Iha parte seluk, Diretór g7+, Felix Piedade hateten Timor-Leste sei iha dezafiu barak presiza melhora, maibé komesa sai ezemplu ne’ebé di’ak iha mundu. Entaun nasaun barak sei mai aprende husi CNC no klaru tenke selu.

“Ba futuru delegasaun sira husi rai liur mai Timor-Leste hakarak aprende husi CNC bele haruka sira selu. Ita fahe ita-nia esperiénsia no esperiénsia la’ós buat baratu. Ita tenke sente orgullu nu’udar timoroan katak maské ita nasaun ne’ebé sei dezenvolve no sei prosesu, maibé nasaun barak hakarak aprende husi ita,” nia hateten.

Nia hateten tinan hirak liuba iha delegasaun bo’ot husi Kosovo hakarak vizita Timor-Leste, maibé lakonsege tanba surtu Covid-19. Entaun ba oin sei reativa diskusaun sira atu la’ós de’it nasaun membru g7+ mak mai, maibé nasaun seluk iha mundu ne’ebé agora dadaun iha porblema ho sira nia nasaun viziñu entermus rekonsiliasaun.