Quinta, Dezembro 08, 2022
Total visitors: 692025

Asistente Reprezentante Food and Agriculture Organization (FAO) iha Timor-Leste, Paula Lopes da Cruz hateten rezultadu peskiza iha tinan 2014, hatudu ema ida han ikan 6 kilograma de’it durante períodu tinan tomak.

Asistente Reprezentante Food and Agriculture Organization (FAO) iha Timor-Leste, Paula Lopes da Cruz hateten rezultadu peskiza iha tinan 2014, hatudu ema ida han ikan 6 kilograma de’it durante períodu tinan tomak.

Fonte ne’e salienta kouta 6 kilo grama ne’e menus tebes kompara ho nasaun illa pasífiku seluk hanesan Fiji ne’ebé ema ida han ikan 60 kilograma ba leten durante tinan tomak.

“Ita Timoroan ida konsumu de’it ikan 6 kilograma ba tinan tomak, ne’e menus tebes. iha nasaun illah pasífiku sira seluk hanesan Fiji no Samoa, nasaun ki’ik hanesan Timor-Leste tasi hadulas ne’e ema konsumu ikan to’o 60 kilograma ba leten,” nia hateten bainhira partisipa iha selebrasaun loron mundial aihan, ne’ebé organiza husi KONSSANTIL, iha Sentru Konvesaun Dili.

Nia dehan kouta konsumu menus tanba produsaun ikan bee midar sei menus tebes no investimentu ba peska mariña seidauk másimu, liu-liu apoia peskadór sira hodi hasa’e produsaun ikan tasi.

“Timor-Leste ne’e iha tasi nia klaran, maibé ita-nia investimentu iha peska mariña seidauk sufisiente. Maioria ita-nia peskadór sira uza veró ki’ik ho métodu tradisionál no uza motor ki’ik ne’ebé laiha kondisaun adequadu ba sira, tama ba halo peska iha tasi klaran, ne’ebé bele hetan ikan bo’ot ho kuantidade bo’ot,” nia hateten.

Paula Lopes hatutan governu halo esforsu hasa’e produsaun ikan bee midar, maibé investimentu seidauk sufisiente atu bele halo jestaun ba bee hodi haki’ak ikan barak liutan iha fatin barak.

Nia haktuir ikan iha valór nutriente proteina aas no kontein mikronutriente esensiál sira, ne’ebé importante tebes ba dezenvolvimentu ema nia isin no kakutak.

Iha parte seluk, Deputado Mariano Assanami Sabino hateten iha Timor-Leste área peska luan liu rai maran, maibé produsaun tasi menus tebes, tanba laiha investimentu ne’ebé di’ak atu dezenvolve setór preska nian.

“Ita iha área peska ne’ebé luan liu ita-nia rai maran, maibé ita la konsege dezenvolve área peska ne’e atu hasa’e kouta konsumu ikan iha dapur ida-ida,” nia hateten.