Quinta, Dezembro 08, 2022
Total visitors: 692025

Centro Audiovisual Max Stahl Timor Leste (CAMSTL) koopera hamutuk ho Uniaun Europeia (EU) lansa projetu Marimba iha Timor-Leste hodi promove artista Timoroan sira nune'e mós valoriza múzika antigu sira.

Diretór Ezekutivu CAMSTL, Eudicitio Pinto, hateten projetu Marimba envolve husi nasaun sira iha Comunidade dos Pais da Lingua Portugues (CPLP).

Diretór Ezekutivu CAMSTL, Eudicitio Pinto, hateten projetu Marimba envolve husi nasaun sira iha Comunidade dos Pais da Lingua Portugues (CPLP).

"Ita servisu hamutuk ho Uniaun Europeia hodi implementa projetu Marimba atu nune'e ita valoriza fali ita-nia múzika antigu sira ne’ebé mak atu lakon ona, ita nia artista Timoroan sira bele promove iha nível internasionál," nia dehan.

Nia dehan, múzika antigu sira, ikus-ikus ne'e atu lakon ba ona, tanba ne'e mak liuhusi projetu ida ne’ebé bele fanun fali artista Timorona sira atu bele kanta hodi promove fila fali.

"Ita hakarak artista sira ne'e liu-liu músika hotu-hotu ho tradisionál, múzika rezisténsia no seluk tan," Pinto dehan.

Diretór Pinto dehan, projetu ne'e lansa sei implementa ba grupu múzika Timoroan sira iha Timor-Leste.

"Projeitu ida ne'e mós sei fó formasaun liu-liu artista sira bele partesipa hodi bele haklean liu tan sira-nian kapasidade iha indústria múzika nian," nia dehan.

Nia haktuir, projetu Marimba ne'e ho interese hakarak kapasita múzika-nain sira hodi dezenvolve ba sira-nia abilidade.

Enkuantu projetu Marimba ne'e sei implementa durante tinan lotu ho orsamentu rihun sanulu $10,000.

Iha parte seluk, kantór múzika Eduardu Nunes dehan, projetu refere importante tebes ba artista sira hotu hodi koñese di’ak liutan iha mundu múzika.

"Hanesan kantór ha’u kontente tebes ho inisiativa CAMSTL, tanba bele servisu hamutuk ho Uniaun Europeia hodi bele lansa projetu Marimba ne'e hodi fó oportunidade ba ami bele aprende liutan kona-ba múzika nune'e bele kanta fila fali múzika antigu sira ne'e mak foinsae sira atu haluhan ona," nia dehan.

Nia haktuir, projetu ne'e kuntribui tebes ba hodi promove artista sira iha mundu múzika, merkadu múzika, ne’ebé mak bo'ot iha CPLP.